Johnny Galecki
Johnny Galecki, a l'anagrafe John Mark Galecki (Bree, 30 avrìl 1975), el ze un ator statunitense, prinsipalmente conosùo par aver interpretà el roło de Leonard Hofstadter inte ła sit-com The Big Bang Theory..
 (2013)  | |
| Biografia | |
|---|---|
| Nasimènto | 30 de apriłe del 1975 (49 ani) Bree (Belzo) (it)  |
| Dati personałi | |
| Rełijon | No rełijozo |
| Altura | 165 cm |
| Atività | |
| Canpo de laoro | |
| Ocupasion | |
| Atività | 1987 – |
| Òpara | |
Òpare in rezalto
| |
| Fameja | |
| Convivente | Sara Gilbert (1992–1993) Kaley Cuoco (2007–2009) |
| |
      
 | |
Biografia
canbiaEl nase a Bree, in Belzo, el 30 avrìl de'l 1975, fio de Richard Galecki, un miłitar statunitense de orìzeni połache, e de Mary Lou Noon, na consułente imobiłiar statunitense de orìzene irlandexi e sisiłiane (Pałermo). El pare el ze stà menbro de ła United States Air Force inte na baze in Belzo. Ła fameja Galecki ła torna inte i Stati Unìi a Oak Park, in Illinois, co Johnny el ga tre ani.
Dopo na serie de łaori tełevizivi, el fa el debuto so'l gran schermo inte'l 1988 inte'l film Le ragazze di Jimmy, co River Phoenix, e drioman el resita inte ła comedia Un Natale esplosivo.
Durando ła só espariensa de resitasion inte ła Billy, Galecki el taca far aparision cofà ospite inte łe sitcom de suceso de ła ABC Pappa e ciccia inte el roło de'l fradèło pì cèo de Mark Healy (Glenn Quinn), el cuało el ga na rełasion co Darlene Conner (Sara Gilbert). Prezentà a ła só prima aparision cofà Kevin Healy, el só nome el vien presto canbià in David. Dopo algune altre aparision, Galecki el deventa prezensa fisa inte'l cast de Pappa e ciccia a partir da l’autun de'l 1992, daspò ła cansełasion de Billy. El interpreta el roło de David Healy fin a'l tèrmene de Pappa e ciccia inte'l 1997, co'l só parsonajo che a ła fine el spoza Darlene e el ga do fiołi co eła. Anca el personazo interpretà da Galecki in The Big Bang Theory el gavarà na rełasion de curta durada co'l personazo interpretà da Gilbert inte ła stesa sitcom.
inte'l 1995 el ze protagonista de'l video de ła Dave Matthews Band Satellite.
Galecki el sèvita ła só serie de rołi sinematogràfeghi łaorando inte'l film comico Mr. Bean - L'ultima catastrofe, inte'l horror So cosa hai fatto e inte l'indipendente The Opposite of Sex - L'esatto contrario del sesso, intarpretando in 'st'ùltemo n'adołesente gay che'l mente so sìdi da łu subìi. inte'l 2000 el partesipa a'l film Bounce, co Ben Affleck e Gwyneth Paltrow, mentre l'ano drìo el otien na picoła parte in Vanilla Sky. Infin inte'l 2005 el ga avùo na aparision inte'l tełefilm My Name Is Earl.
inte ła stazon 2006-2007, Galecki łaora a Broadway inte ła The Little Dog Laughed, dove interpreta un gigolò, ła só parte prevedeva anca algune sene de nùo frontałe. El ga partesipà ad alguni epizodi de Hope & Faith.
Galecki el interpreta Leonard Hofstadter inte ła sitcom de ła CBS The Big Bang Theory, che ła debuta el 24 setenbre 2007. A l’inisio ghe vien dimandà de intarpretar el roło de Sheldon Cooper, ma el aferma de èsar pì adato a'l roło de Leonard Hofstadter, donca el roło de Sheldon el ghe vien asenjà a Jim Parsons. Durando ła só presedente intarpretasion de David Healy in Pappa e ciccia, Sara Gilbert ła ga interpretà ła só moroza de łonga data e sucesivamente só mujer, Darlene Conner; ła conpare deso inte'l personazo de Leslie Winkle, na só cołega in The Big Bang Theory, co ła cuała el ga na rełasion de curta duràda. Anca Laurie Metcalf, che ła ga intarpretà Jackie Harris, ła sorèła de Roseanne in Pappa e ciccia, ła conpare in The Big Bang Theory, 'sta volta inte el roło de Mary Cooper, só mare de'l conpanjo de stansa de Leonard, Sheldon.
inte'l 2008 el łaora inte ła fanta-commedia Hancock, co Will Smith, mentre inte'l 2011 el interpreta Borel inte'l film In Time. inte'l 2014, da l'otava stazon de The Big Bang Theory, in conpanjìa dei protagonisti de ła Jim Parsons e Kaley Cuoco, el parsepirà un asenjo de oltra un miłion de dołari a epizodio. 'Sti tre artisti i deventa cusì i atori de serie tełevizive pì pagà de senpre.[1]
.jpg)
Notasion
canbia- ↑ Renato Franco, Un milione di dollari a puntata par i nerd di «Big Bang Theory», in corriere.it, 6 agosto 2014. entrada il 10 agosto 2014 (archivià l'8 agosto 2014).
Altri projeti
canbia
Wikimedia Commons el detien imàjini o altri file so Johnny Galecki
el detien schemi gràfeghi so
Linganbi foresti
canbia- (EN) Johnny GaleckiInternet Movie Database, IMDb.com.
- (EN) Johnny GaleckiAllMovie, All Media Network.
- (EN) Johnny GaleckiRotten Tomatoes, Flixster Inc.
- (EN) Johnny GaleckiTV.com, CBS Interactive Inc.
- (EN) Johnny GaleckiInternet Broadway Database, The Broadway League.
- (DE, EN) Johnny Galeckifilmportal.de.
| Controło de autorità | VIAF (EN) 120774509 · ISNI (EN) 0000 0000 7921 6824 · LCCN (EN) no2001053689 · GND (DE) 103487912X · BNF (FR) cb16205733f (data) · BNE (ES) XX1596896 (data) · WorldCat Identities (EN) no2001-053689 |
|---|