John McCain
John Sidney McCain III (Colón, 29 agosto 1936) xe un [[pułìtego |pułìtego]] [[Stati Unii de ła Mèrica |statunitense]], senator del Partio Republicàn (Stati Unii) par lo Stato dea Arizona..
John Sidney McCain III
Sopranominà "Maverick", o sia "un batitór libaro" o "un cavao gnancora marcà", o sia libaro, sciolto, parchè de frecuente el gà fato coragiosamente dee scelte contrarie a quee uficiai del so partio. In teo otobre del 1967, mentre el gera in mission sora Hanoi, el sò aereo fu abatuo e eo, ferio, fu catturà dai nordvietnamiti rimanendo prisonier de guera fin al 1973. Candidà aa Presidensa in tee elession del 2000, venne sconfito ae primarie republicane da George W. Bush. Ripresentàtose ae primarie republicane del 2008, el gà staolta ottegnùo co fasilità ła nomination deventando el candidà del Partio Republican par le elession presidensiai del 2008, che el gà parò perso contro l'aversario Barack Obama. Pur essendo conservatore su tanti temi, McCain xe visto daa opinion publica come un battitor libaro e el gà vota in maniera indipendente ae linee de partio diverse volte. L'American Conservative Union gà assegnà a McCain un puntejio mèdio dell'83 %.[1]
Anni zovanii e cariera militar
canbia
John McCain xe nato a Coco Solo in tea zona del Canal de Panama controada dai Stati Unii. Sia el pare che el nono gera amiraji dea U.S. Navy. El pare, John S. McCain Jr., gera al comando dee forse statunitensi in Vietnam mentre McCain gera prisonier de guera. El nono, John S. McCain Sr., gera stà comandante dea aviassion naval durante ła bataja di Okinawa, in tel 1945.
El futuro senator frequentò ła scuola episcopae de Alexandria, che terminò in tel 1954. Inte l'autunno de quell'ano, McCain, come i gheva fato so pare e so nono, entrò aa Academia navàl de Annapolis. Se gà laureà in tel 1958, al 895° posto de na classe composta da 900 alievi.
Dopo aver finìo ła academia navàl, McCain vene trasferio aa base aerea dea marina de Pensacola, in Florida, par inissiar l'adestramento da piota navàl. Durante el corso ebe un insidente, inte łe cuałe il sò aereo cade in tea Corpus Christi Bay. Ricevete el breveto ed entrò nea aviassion de marina.
In tel 1965, McCain sposò Carol Shepp, na modea che la vegneva da Filadelfia, in Pennsylvania. La copia divorsiò in tel 1980.
In tel disembre 1966 fu assegnà aa squadra aerea dea portaerei USS Forrestal, incrosiante al largo del Vietnam, dove vene assegnà ae operassion de bombardamento a tera. McCain rimase ferio durante el grave insendio scoppià soa portaerei in tel lujo 1967, che el gà copà 134 marinai e danneggià gravemente ła nave. Trasferio soa USS Oriskany, el gà continuà ła atività de combatimento fin al 26 otobre 1967, quando el so aereo A-4 Skyhawk vene abatuo da un missie dea contraerea vietnamita durante na assion beica de sora Hanoi [2]. McCain el se rupe tute e do e brassa e na gamba durante l'espulsiòn de emergensa, e aterò col so paracadute inte un picoo lagheto dea capitàl, dove, dopo esserse quasi 'negà, vene estrato da na foa inferosia, che sercò de linciarlo, rompéndoghe na spala e ferendoo a colpi de baioneta aa caviglia e a l'inguine. Fato prisonièr, vene trasportà aa prison de Hoa Lo, tristemente nota come "Hanoi Hilton".
Constatà e gravi condission che el versava, el prisonièr vene portà el dì dopo ła catura a un ospeàl militar vietnamita dove vene operà e curà par 6 setimane, par dopo vegnere riportà in tel carsere dove el rimase par un totàl de 5 ani e mexo.
Dopo el primo ano de prisonia inte ła cuała McCain el subì un casìn de abusi e vioense, ghe vene proposta ła liberassion che sempre secondo na so' ricostrussion rifiutò parché consapevoe del valor propagandistico che un simile gesto podeva avér.
Liberà el 15 marso 1973, rientrò in tei Stati Unii, dove scominsiò un longo tratamento de riabiitassion fisica e anca oviamente psicoogica pa sorpasar el shock, ed otene na certa notorietà mediatica. Tra el 1973 ed il 1974 frequentò el 'National War College. In tel 1976 el gà avùo el comando de un squadron de adestramento aereo in Florida; in tel 1977 divene l'adeto navàl dea Marina presso el Senato dei Stati Unii. In tae contesto, inissiò a ocuparse de poitica dea difesa (favorendo l'assegnassion de un budget del Senato par la costrussion dee nóve superportaerei statunitensi), e scoprì ła passión par l'atività de rapresentansa publica.
Ea cariera industriàl e poitica
canbia
Inte el 1980 el gà divorsià da ła prima mogièr (che gera rimasta sfigurada in un grave insidente automobiistico in tel dicembre 1969), e el se gà risposà co Cindy Lou Hensley, fia de un magnate dea bira. In tel 1981, viste e so scarse posibiłità de ulteriór cariera in tea Marina, el se congedò da łe Forse Armade e scominsiò a lavoràr, par un breve toco de tempo, par el suocero, come responsabie de łe publiche relassión de la axienda.
I contati commerciai col mondo econòmego che el so novo ruoło ghe permise de costruirse, assieme a ła ingente fortuna dea mogièr, ghe consentirono de candidarse pa el Partio Republicàn, e vinsare in tel 1982 łe elessión come Rapresentante (deputà) de ła Arizona. Riconfermà Rapresentante in tel 1984, in tel 1987 vene eleto pa ła prima volta al Senato, dove divene in breve uno dei pì importanti e conossui esponenti republicani.
In tel corso dei anni '90, el se distinse par indipendensa de pensièr, e pa ła determinassión e pa ła autonomia co cui el portava 'vanti i só voti e le só idee al Senato (spesso in contraposixión co el só stesso partio), divenendo difisie da categorizzar poiticamente se non come un "conservatór" in senso lato. Anca pa questo McCain xe stà anca definio el pì progressista dei Republicani e anca insieme el pì conservatór dei Democratici.
El xe autór del Telecommunications Act, aprovà dal Congresso in tel 1996.
In tel 2000, el se candidò na prima volta ae primarie republicane pa la Presidensa; nonostante un buon consenso iniziae otegnù da McCain in diversi stati, e tornade eletorai videro ła emersiòn a ła ribalta de George W. Bush come candidà vinsente del partio dopo na aspra campagna elettoràl.
Dopo il 2001, suportò netamente sia l'intervento militàr statunitense in Afghanistan che la guera in Iraq; si espresse parò in maniera neta contro i abusi soi prisonieri de guera (dopo eo scandao de Abu Ghraib e e połemiche sol tratamento dei prisonieri a Guantanamo), tema so cui ła só esperiensa personàl lo gà reso particoarmente sensibie.
Dal 2005, pur nando 'vanti a suportàr l'intervento in Iraq, McCain xe deventà progresivamente sempre pì critico rispeto a l'otimismo so l'andamento de łe operassión de alcuni vertici miitari e poitici dea aministrassión Bush, a só parere ecessivo. El gà żà effettuà oto viagi in Iraq par rendarse conto diretamente deo svolgimento dee operassión, e el xe stà un forte sostenitór dea "surge" del contingente statunitense del 2007.
Ea corsa ae elession presidensiai 2008
canbia
John McCain, dopo aver mostrà ła só intensión de candidarse par le primarie del partio republicàn par na seconda volta dopo el tentativo fałìo del 2000, el gà scominsià na campagna eletoràl tanto eficace. Infati el xe riussìo a bàtare rivai come Rudolph Zuliani, Mitt Romney e altri, e inte el febraro 2008 el xe gà avià a ciapàr ła nomination del partio de George W. Bush.
Il 21 febraro 2008 questa marcia trionfàl gà incontrà el primo ostacoło, rapresentà da ła rivełassión del New York Times[3] che McCain el gavarìa favorìo na "lobista" só amante.
Nonostante tale episodio, ła só crescita de consensi in tee primarie dei vari stati USA ghe gà parmesso de otegnère, el 4 marzo 2008, el numaro de delegài teoricamente suficienti par ła nomination republicana; el 5 marzo 2008 el gà risevùo l' endorsement del presidente Bush come candidà republicàn, e ła nomina xe stà uficiaizzà a ła Convention republicana del setembre 2008, in Minnesota.
In tel majio 2008 John el gà mostrà alła stampa ła só cartèa clinica, in seguito a łe speculassión dei mèdia e dei opositori poitici sóa posibiità de ricomparsa dei só tumori cutanei (par i quai fu operà inte el 2000); da łe sertificassión, el rischio risulta tanto baso, e John McCain, nonostante ła età avanzà (se el fosse stà eleto, el sarìa entrà in carica a ła età de 72 ani, ła più avanzà de sempre par un presidente dei Stati Unii al primo mandà), sembra godér de bona saute.
El 29 agosto del 2008 el gà scelto come candidà vicepresidente ła governatrice deł'Alaska Sarah Palin. Sarah Palin all'inizio xe 'sta come el conegio venùo fora dal capèo magico, o sia ła gà dà a McCain punti in più in tei sondagi, recuperando e addirittura stando in testa davanti a Obama par tuti i diése dì dopo ła Convention republicana. Ma in seguito Sarah xe deventà na spina inte el fianco par McCain par ła só poca esperiensa e conossensa dee questión internassionai, par amare ła caccia e non dar tanto reta ae istanse ecołogiche e infine anca (così i gà dito) par esserse rifata el vardaroba coi schei (publici) del Partio Republicàn.
El 5 novembre, a ła notizia dà da ła CNN che ormai lo svantagio co Barack Obama non gera pì colmabiłe, el gà tełefonà all'afroamericàn democràtego par congratuarse par ła vitoria, e ne gà da prontamente notissia ai sò elettori.
Note
canbia- ↑ L'American Conservative Union asegna annualmente un puntejio percentuale a ciascun membro del Congresso [1], basà soe preferense espresse so un certo numero de votassion ideologicamente tanto connotà. Ea scala parte da 0 (posisiòn poitica tanto progresista) e el riva a 100 (massima aderensa ai ideai conservatori). El puntejo de cui se parla xe 'nà mèdia dee persentuai anue assegnà a McCain da quando el xe deventà senator (nel 2005 McCain gà conseguio un puntejio di 80).
- ↑ Nowicki, Dan & Muller, Bill. "John McCain Report: Prisoner of War", The Arizona Republic (2007-03-01). Retrieved 2007-11-10.
- ↑ articolo su repubblica.it
Altri progeti
canbia
Wikimedia Commons el detien imàjini o altri file so John McCain
el detien schemi gràfeghi so
Coegamenti esterni
canbia| Controło de autorità | VIAF (EN) 27972425 · ISNI (EN) 0000 0001 1827 3670 · LCCN (EN) nr91003214 · GND (DE) 123180880 · BNF (FR) cb15699714j (data) · BNE (ES) XX4768660 (data) · NLA (EN) 44077211 · WorldCat Identities (EN) nr91-003214 |
|---|