Lìcuido

(Rimando da Lìquido)
Efeto de na giósa cascada su na superfisie de acua

El lìcuido el xé un dei stati de ła materia.

PropietàModìfega

 
Bromo, se nota l'alta vołabiłità de sto ełeménto chìmego che, insieme al mercurio el xé l'ùgnoło lìcuido a tenperadura anbiénte e 1 atmosfera de presion.

Łe só propietà prinsipałi łe xé:

  • fluidità: un lìcuido el xé un flùido che, in asénsa de forse foreste infrà łe cuałi cuéła de gravità, ła ga na fórma sfèrega. I lìcuidi, a cauxa de ła limitada forsa de coexion infrà łe mołècołe, łe xé scorévołi, overosìa flùidi. Se dixe dónca che "no łe ga na só fórma". In ogni caxo miga tuti i lìcuidi i xé guałivamente flùidi, cusì se dixe che l'ètere el xé più flùido del'acua o anca che l'acua ła xé più viscóxa del'ètere.
  • ełasteghità: i lìcuidi i xé asae ełàsteghi, overosia i se defórma fasilmente soto l'asion de na forsa e i se tol sùbito ła fórma orixenal pena che ła moła l'asion de ła forsa deformadora.
  • inconprimibiłità: un lìcuido el xé un flùido el cui vołume el xé costante a tenperadura e presion costanti; ła conprimibiłità dei lìcuidi el xé in gènere asae basa, e trascuràbiłe se paragonada a cuéła dei gas, dónca i lìcuidi i xé considerai inconprimìbiłi. Anca se i ga un coeficénte de conprimibiłità che'l se desferénsia in funsion de ła natura del lìcuido stéso, alguni de sti cua lìcuidi come l'acua i xé stai provai a presion fin a 10 000 bar dando variasion asae pìcołe, invése altri come i idrocarburi i ga sensìbiłi variasion co presion de 100 bar.

Generalmente, na sostansa al stato lìcuido ła xé manco dénsa che al stato sòłido, ma n'inportante ecesion ła xé costituida dal'acua.

CaraterìstegheModìfega

Łe mołècołe o àtomi che i costituise el lìcuido i interagise infrà łóri, seben no forteménte come 'ntel sòłido. I no sta miga infrà łóri in poxision fise i scor i uni su st'altri, seben se ipotixi l'existénsa de gabie bastansa stàbiłi, in lìcuidi coi forti ligami intermołecołari come l'acua.

I lìcuidi i se destingue in:

  • vołàtiłi (par exénpio el benzene o'l bromo), indove i ligami infrà łe mołècołe costituénti el lìcuido i xé débołi
  • no vołàtivi (come el mercurio), indove i ligami infrà łe mołècołe costituénti el lìcuido i xé forti

'Nte un canpo gravitasional costante, come che càpita, co aprosimasion, su ła superfisie terestre, ła presion 'nte un lìcuido fermo ła xé guałiva a

 

indove   ła xé ła densità del lìcuido (che se consìdera uniforme) e   ła xé ła profondità del pónto consideràto,   ła presion a ła superfisie lìbara e   l'acełerasion de gravità.

BibliografiaModìfega

  • Luigi Rolla, Chimica e mineralogia. Per le Scuole superiori, 29a ed. Dante Alighieri, 1987.

Varda ancaModìfega

Controło de autoritàLCCN (ENsh85077404 · GND (DE4017621-6 · NDL (ENJA00561895