La lat la è an alimento liquido fat da le ghiandole mamarie de le mastce de i mamiferi. Al ocor par darghe da magnar a i boat de i mamiferi a 'l inisio de la so vita.

An goto de lat

Fata ecesion par al ornitorinco e al echidna aonde che da le ghiandole mamarie la lat la va direta a 'l esterno, ten tuti i mamiferi la se bina te 'l scarp (che al pol esser fat da 'n numero variabile de tete), e al gnen fora da i tet solche se i gnen stimoladi da la boca de 'l boat.

Infin da la antichità i omi i à inparà a stimolar i tet co le man in modo da far gner fora la lat de serti mamiferi, in particolar de le vache.

Al bisogn de salvar la lat al à portà a la invension de diversi derivadi de longa scadensa come al botiro, al fiormai, al jogurt e la poina.

la lat pena moldesta par esser beesta la à da gner boista in modo da sterilizarla da eventuai bateri che la pol er la vaca. An procedimento pì segur al è la pastorizasion. Na olta la lat la era tuta de 'l primo tipo, ma la industrializasion de le laterie e le norme igieniche le à fat in modo che par ani te 'l marcà se epje catà solche lat pastorizada. Al dì de incoi se pol vender ancora la lat pena moldesta purchè se 'l fae co adeguade autorizasion secont na filiera controlada. Al è in continua cressita al numero de distributor de 'l genere. An nantro tipo de lat che se cata te 'l marcà al è quel a longa conservasion, che al à subì an tratamento de uhterizasion.

Co 'l termine "lat crut" se intende quel che la vaca la fa de i primi dì dopo er fat al vedel. Se trata de 'n lat che no 'l è tant adato a la alimentasion de i omi e che, se 'l gnen laorà, al dà origine a 'l formai cagnon o pincion, da la carateristica spusa de piei.

Altri progètiCànbia

Controło de autoritàGND (DE4039264-8
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Late&oldid=923862"