Magazeni de'l Sal

I Magazeni del Sàl o (Sałoni) xe un pałaso de Venesia, logà inte el sestièr de Dorsoduro, longo ła Fondamenta de łe Zàtare ai Sałoni, e fasà sol Canal de ła Zueca.

Vista dei Magazeni del Sàl. Dadrìo ła baxełega de Santa Maria de ła Sałute

Storia

Sto edificio de dimension ingenti xe stà fabricà sul scominsio del Quatrosento in un ponto strategico de ła sità: infati longo sta fondamenta se trovava uno dei prinçipałi loghi de ormixo de łe xatere e inbarcasión che portava a łe marcansìe a Venesia.

Qui gera stà sernìo de costruìr el liogo indove imagaxenàr el sàl, prodòto fondamentàl de l'economia de ła sità łagunàr.

Progetà da l'architeto Alvise Pigazzi (arlevo del pì conosùo Giannantonio Selva), el conpleso xe stà restorà pregevolmente a l'insìrca inte el 1830.

Inte el XX secoło, drìo ła so inpiantàda, i Magazeni del Sàl gà subìo un periodo de decadensa, indrìoman xe stài riutiłixài par de łe espoxisión. Co gà subìo l'ultimo restauro, parte de ła strutura ospita, lestìo da Renzo Piano, na mostra permanente de Emilio Vedova, ła cui inaugurasion xe capitàda inte el 2009 .

Descrisión

Ła fasàda de ła strutura xe de un pian ugnòło e sviłupàda in longhésa, co nove grandi portàłi sorastà da artànte fenèstre a mèxałùna; sora łe vertaùre çentrałi ghe xe ła scrita Enpòrio dei Sałi. Indrénto se slonga nove spasi indove se imagaxenava el sàl e come xa dito ancùo se trova łe mostre.

Altri progeti

Altri progetti

• Wikimedia Commons

• Wikimedia Commons el detien imàjini o altri file so Magazeni del Sàl

Portałi:
• Portałe de Venèsia
|

Altri progetti

• Wikimedia Commons

• Wikimedia Commons el detien imàjini o altri file so Magazeni del Sàl