Mapa

Na mapa', dita anca napa, ła xe na raprexentasion senplifegà del spasio che evidensia relasion tra conponenti (ogeti, region) de chel spasio. Na mapa ła xe comunemente na raprexentasion bidimensionałe, giometrigamente acurada, de un spasio tridimensionałe, come par exenpio na carta giografica. Pì in xenerałe, łe mape łe pol esar uxae par raprexentar calsiasi propietà locałe del mondo o parte de eso, o calsiasi altro spasio, anca mentałe o concetuałe.

Vecìa mapa de Genova

Zeografia

Ła mapa inte ła topografia ła xe na raprexentasion grafega de na xona de teritorio, riprodota in scała.

Storia del termine

Ła mappa, inte ła Roma antica ła zera un pano de lin dopàra come tovajoło so łe tółe patrisie. Xera dita mapa anca el drapo roso có'l cuałe i bestiari esitava el toro inte el sirco, come pure el pano che el inperador o i magistrai butava inte l'arena par scominsiar łe corse.

Inte el epoca volgare, ła mapa ła ga scominsià a entrar inte el rituałe liturxego cristian, par coerxare i altari. Inte el tardo inpero el termine el xe pasà a indicar i libri e i editi scriti su teła. I antichi agronomi i ga ciamà mape (parché exeguìe de frecuente su teła) ogni raprexentasion grafega de na xona de tereno. Da cuà el uxo moderno de ła paroła.

Mape catasticałi

Łe mape catasticałi łe costruise particołari documenti del catastico inte el cuało vien descriti i posesi fondiari e łe partexełe inte łe cuałe esi se imaginano sconposti.

El teritorio de ogni comune el xe sudivixo in foji catasticałi progresivamente numerai da nord a est, ciascun dei cuałi el conprende grafegamente łe singołe partexełe de teritorio. Ogni partexeła ła identifega ła minima unità inpoxitiva, riferìa al tipo de coltura a al sogeto titołare de diriti su de esa. L'identifegasion de un imobiłe o de un teren traverso i estremi riportài inte łe mape catasticałi ła xe nesesaria par calsiasi ato xuridego costitutivo, estintivo o modifegativo de diriti reałi.

Varda anca

• Zeografia
• Mapa coropleta

Altri projeti

Altri progetti

• Wikimedia Commons

• Wikimedia Commons el detien imàjini o altri file so mapa
• el detien schemi gràfeghi so

Łigadure foreste

• La Biblioteca Eoropea Archivià l'8 de febraro 2009 in Internet Archive.

. Łe pì inportanti e storiche cartine ziogràfeghe d'Eoropa on line.