Mar dei Corałi
El Mar dei Corałi (Coral Sea in inglexe) el xe un mar adiasente che fa parte de l'Oseano Pasifego Meridional e se cata a cavało del Tropico del Capricorno, tra łe coste de l'Austrałia a sudest e łe ixołe de ła Mełanexia a nord e a ovest.
| Mar dei Corałi | |
 | |
| Parte de | Osèano Pasìfego |
|---|---|
| Sudividesto in | Baja de ła Prinsipesa Carlota |
| Coordinae | 18°S 158°E / 18°S 158°E |
| Xiografia fìxega | |
| Superfise | 4,791,000km² |
| Fondità màsima | 9,140m |
| Fondità mexana | 2.394 m |
| Vołume | 11,470,000km³ |
| Idrografia | |
| Basin idrografego | 4 791 000km² |
| Sałinità | 35,5 ‰34,5 |
| Tenperadura | 24 [1] 28 °C [2]19 [1] 27 [2] |
| Ìxołe | Arsipełago Luisiad, Nova Całedonia, |
| Stati | AUS PNG SOL VAN FRA |
El ciapa el so nome da ła Gran Bariera Corałina che caraterixa łe so coste verso el continente.
El comunica verso nordest co eł Mar dei Arafura tramite el Streto de Tores, verso nord co el Mar de łe Sałomone, e verso sud co el Mar de Tasman. La so parte pi setentrional, łongo łe coste de ła Nova Guinea, se ciama Golfo de Papua, sempre a nord el toco xusto a est de ła Penixoła de Capo Jorc se ciama Baja de ła Prinsipesa Carlota.
Giografia fixicaCànbia
El xe un mar veramente molto grando, e anca molto fondo. La parte setentrional ła forma el Basin del Mar dei Corałi (fondo 4612 m), e a nordest se cata do fòse oseaniche: cheła de łe Sałomone (fonda 8310 m) e cheła Setentrional de łe Nove Ebridi (fonda 9175 m). Un rilievo marin molto grando el xe el Platò del Cuinslan, a nordest de ła gran Bariera.
Sto mar el coverse ła piataforma continental inteła so parte osidental, al sentro un fondal oseanico che se ga formà int'el senosoico inferior, co che jera drio a versarse na nova dorsal a est de l'Austrałia, e sul marxene oriental un importante arco insułar. Le so coste orientałi le xe particołarmente sogete al risċio de zunami, in particołar chełe de łe Sałomone e dełe Nove Ebridi, indove che se cata vulcani ativi.
De łe corenti oseaniche calde el ło atraversa in senso est-ovest da łe Ixołe Sałomone a ła Nova Guinea, indove che łe se separa inteła Corente Sudecuatorial verso ovest e Corente de l'Austrałia Oriental verso sud.
El fiume pi importante che el se jeta intełe so acue el xe el Flai.
Tra łe ixołe al so interno invese ghe xe l'Arsipełago Luisiad, la Nova Całedonia, łe ixołe Cesterfild, e sopratuto chełe formae da ła Gran Bariera Corałina.
Giografia umanaCànbia
Su łe so coste se cata łi Stati de Austrałia, Papua-Nova Guinea, Sałomone e Vanuatu, e el teritorio franxese de oltre mar de ła Nova Całedonia.
Le sità pi grandi de łe so coste łe xe Brisben, Gold Cost e Port Moresbi; tra i sentri de pesca se połe anca ricordar Mec Cei e Tounsvil.
No el xe un mar particołarmente pescoxo, ma se pol catar tóni e sardełe a sud, sgonbri łongo ła penixoła de Capo Jorc e sopratuto perle, int'el Streto de Tores, e inte łe aque de tuti łi arsipełaghi de ła Mełanexia.
Int'el Golfo de Papua se estrae gas naturałe, preso el campo de Pasco.
NoteCànbia
Altri ProjetiCànbia
Wikimedia Commons el detien imàjini o altri file so Mar dei Corałi
Linganbi forestiCànbia
- (EN) Mar dei Corałi, so Ençiclopedia Britannica, Encyclopædia Britannica, Inc.
| Controło de autorità | VIAF (EN) 170209720 · LCCN (EN) sh90002547 · GND (DE) 4295970-6 · BNF (FR) cb15298873d (data) · BNE (ES) XX5163181 (data) · WorldCat Identities (EN) 170209720 |
|---|