El xe stà el secondo doxe de ła Republica Veneta

De łù se sa stra poco : probabilmente el xe uno dei magister militum cofirmatari del tratado co' Liutprando co' Paoluccio Anafesto, el primo Doxe.

El cognome Tegalliano ghe xe stà asegnà drìoman, come anca la xenidura de łe famegie venesiane dei Fonicalli o dei Marcello.

Come Paoluccio prima de łù, el dogado de Marcello no xe storegamente acertà [citasion nesesaria], ma podarìa èser 'na senplice lexenda texa a render l'istituzione dogałe più antìga de cuanto realmente no fuse: anpo' xe stà in quel periodo che in te łe łagune se gà tacà a uxàr el tìtoło de dux, duca, venesianamente trasformà in dòze o dùze e drìoman dito in taliàn (Doge).


El s'à intrigà in t'una cuestión tra i patriarchi de Aquileia e Grao, e 'l gà ciapà łe parti de sto ultimo davanti al papa Gregorio II. Par ch'el sia moristo par cauxe naturałe e ch'el sia stà sepełìo a Eracliana, a quel tenpo cavedàl del Dogado.