Verxi el menu prinsipałe
Mariano Rajoy.

Mariano Rajoy Brey (Santiago de Composteła, 27 de marso 1955) xe un połidego spagnoƚo. El xe stà presidente de ła Spagna dal 21 de disenbre 2011 al primo de giugno 2018, col Partido Popołar.

Indice

Vida e CarieraModìfega

XoventùModìfega

Mariano Rajoy xe nasù el 27 de marso del 1955 a Santiago de Composteła, fin da xovane el xe intrà 'ntel partido Ałeansa Popołar (deventà poi Partido Popołar).

MinistroModìfega

'Ntel 1996 xe deventà ministro de ła publega aministrasion col goerno Aznar e po dal 1999 ministro de ła publega istrusion e de ła cultura.

Primo Goerno RajoyModìfega

El 21 de disenbre del 2011 deventa presidente de ła Spagna. 'Ntel 2013 vien indagà co altri 62 deputai (4 ministri) par apropiasion indebita de fondi publisi par un vałor de tanti mijardi e corusion, ma no xe stà condanà par mancansa de prove.

Segondo Goerno RajoyModìfega

Dopo łe ełesioni del disenbre 2015 e zugno 2016, che no łe ga portae a na majoransa, par no tornar na tersa volta al ełesion el 4 de novenbre 2016 vien forma in secondo goerno Rajoy.

Crixe CatełanaModìfega

El 1° de otobte 2017 in Catełogna xe sta fat un referendum par l'independensa e 'l goerno Rajoy el ga mandà ła Guardia civil par fermar sto ato ilegałe pa' ła costitusion spagnoła. I sbiri i ga secuestrà łe urne e łe schede dei seji che i xe riusìi a sarar, mandando al ospedal sirca novesento siviłi tra cuełi che, pasifegamente, i defendeva i seji pa' inpedir el secuestro. El 27 de otobre el parlamento catełan, visto el rexultà referendario, el ga aprovà ła dichiarasion unilateraƚe de independensa da ła Spagna. A chel ponto el goerno Rajoy, grasie al apojo parlamentar del PSOE e de Ciudadanos, el ga aplicà el artìcoło 155 de ła costitusion, cavandoghe l'autonomia a ƚa rejon cateƚana.

SfiduçiaModìfega

Dopo el cusì dito caxo Gürtel, che ga portà a ła łuxe ła corusion e i fondi neri del PP e del Goerno Rajoy, el 1° de zugno del 2018 el parlamento spagnol ga sfidusà el goerno Rajoy co 189 voti a favor e 169 contro[1].

NotasionModìfega

  1. «Spagna: Rajoy sfiduciato, socialista Sanchez è il nuovo premier». euronews, 1º giugno 2018. URL consultato in data 1º giugno 2018.