Marcà Comun del Sud

El Marcà Comun del Sud (in spagnoło: Mercado Común del Sur, Mercosur (ˌmeɾ.ko.ˈsuɾ); in portogheze: Mercado Comum do Sul, Mercosul; in guaranì, Ñenby Ñemuha) el ze un procedimento de integrasion rejonałe fondà inte el 29 de novenbre del 1991 da Arzentina, Braziłe, Paraguay e Uruguay. Dopo de ła so formasion, el Mercosur el ga incorporà el Venesueła e ła Bołìvia, divegnendo el primo atualmente sospendesto dal bloco e el secondo in procedimento de adezion.

Marcà Comun del Sud

(pt) Mercado Comum do Sul (es) Mercado Común del Sur (gn) Ñemby Ñemuha
Flag of Mercosur (en)
sede
Dati
Nome scursà	MERCOSUL e MERCOSUR
Sorte	organizasion intergoernativa organizasion rejonałe union doganałe
Łéngua ufisałe	guaraní, portoghezo e spagnoło
Istòria
Creasion	26 de marso del 1991
Fondador	Arzentina, Braziłe, Paraguay e Uruguai
26 de marso del 1991	Trattato di Asunción (it)
Atività
Menbri	6
Governo d'impresa
Presidensa Pro tempore del Mercosur	Jair Bolsonaro
Autorità ezecutiva	Consejo del Marcà Comun
Filiałi	Comision Parlamentaria Con-zonta Mercosur Permanent Review Tribunal (en) Mercosur Structural Convergence Fund (en) Presidensa Pro tempore del Mercosur MERCOSUR Social Institute (en) Mercosur Secretariat (en) Mercosur Trade Commission (en) Parlamento del Mercosur Consejo del Marcà Comun Grupo Mercado Común (en) RECyT (en)
Formà da	Braziłe Uruguai Paraguay Arzentina Bołivia Venesueła (2012–)
Sito web	mercosur.int
Pozision

Ufisialmente el Mercosur el ingloba anca el Ciłe, Cołónbia, Ecuador, Perù, Guyana e Suriname, i cuałi i ìntegra el bloco soto de ła denomenasion «Stati asociai». El bloco no el ga stati che i figura cofà «Stati Oservadori». Łe Łéngue ufisałi del Mercosur łe ze el spagnoło, el portogheze e el guaranì.

I intełetuałi Alberto Methol Ferré e Jorge Abelardo Ramos i se cata d'acordo inte el segnałar che partindo da łe lote de ła indipendensa, no se ghea vesto gnente de pì inportante in Amèrica Latina che ła creasion del Mercosur.

Racuanti paezi e difarenti fonti zornałìsteghe, i difarise inte ła magnera de definir l'estatus dei paezi del Mercosur. Ła Arzentina ła consìdara che i paezi «menbri» i sìpia i «Stati parte» e i «Stati asociai», e intrà i «Stati parte» se include ła Arzentina, Braziłe, Paraguay, Uruguay e el Venesueła, intanto che se consìdara che «Bołìvia ła gàpia un status speciałe» de «Menbro in procedimento de adezion, co derito de voze, parò sensa voto». Cołónbia invese, ła consìdara a ła Bołìvia cofà stato parte («incorporasion concretada dal Protocoło de Adezion del 17 de lujo del 2015»).

Par de pì de ła inportansa che el reprezenta el Mercosur, esendo de facto l'àrea econòmega e piataforma industriałe, pì dinàmega, conpetitiva e desviłupada, no solché de l'Amèrica Latina, ma anca de tuto el emisfero sud, el ga na rełevansa zeopułìtega de granda portada, ponesto-che do dei so menbri, Arzentina e Braziłe, i ze menbri de l'escluzivo G-20.

Istòrego

Sta strutura de integrasion rejonałe ła zera sta creada inte el 26 de marso del 1991 co ła firma del Tratà de Asunción da parte de Arzentina, Braziłe, Paraguay e Uruguay, anca se i antecedenti de ła integrasion rejonałe i remonta al 30 de novenbre del 1985, data de ła Declarasion de Foz de Iguazú, che ła ghea istituio un acordo de integrasion biłaterałe intrà Arzentina e Braziłe. A so volta, ła so ezistensa cofà persona zurìdega de Derito Internasionałe ła zera sta decidesta inte el Protocoło de Ouro Preto, firmà inte el 17 de disenbre del 1994, entrada in vigor inte el 15 de disenbre de l'ano dopo. El Protocoło de Ouro Preto el ghea stabiłio na tarifa esterna comune, e dal 1999 ła eziste na zona lìbara de tarife intrà i so costituenti, anca se ła vien escludesta na sèrie de prodoti, intrà sti cuà el sùcaro. Inte el 4 de lujo del 2006 el Venesueła el ghea firmà el Protocoło de Adezion al Mercosur, conpletando el procedimento inte el 12 de agosto del 2012, momento partindo dal cuało el se ghea convertio inte un menbro pien. Inte el 2012 ła Bołìvia ła ghea firmà el Protocoło de Adezion al Mercosur che el zera sta perfesionà inte el 2015 zontando anca ła firma mancante del Congreso del Paraguay, esendo considarà un Stato parte «in procedimento de adezion», co derito de voze ma parò sensa cheło voto, finmente che no el finise el intermezo legałe de adezion, momento partindo dal cuało — na volta conpletà — el pasarà èsar menbro pien e co derito de voto.

El Mercosur el se baza inte na Carta Democràtega che no ła permete ła pertegnensa al bloco de paezi no democràteghi, e ła ghea stabiłio na zona de lìbaro comèrcio e acordi de tarifa comun, cusita cofà difarenti mecanismi de conplementasion produtiva e de integrasion econòmega, sociałe e culturałe, includendo ła lìbara sircołasion dei sitadini del bloco. Par ła mancansa del respeto dei recuizii de adezion e permanensa inte el Mercosur, e dopo un perìodo de trè mezi che ła union ła ghe ghea dasà par reformar łe so leji, el Venesueła el ze sta sospendesto da ła comunità inte el 1° de disenbre del 2016, par ła mancansa del rispeto dei deriti umani e siviłi e par cuestion pułìteghe, econòmeghe e democràteghe.

Economia

El ze considerà cofà na potensa econòmega, co un PIL de 4 580 000 000 000 de dòlari, finindo par reprezentar el 82,3  % del PIL totałe de tuta ła Sudamèrica. El Mercosur el cuerze un teritòrio de cuazi 13 000 000 de chilòmetri cuadrai e el conta pì de 275 miłioni de abitanti (arente del 70  % de tuta l'Amèrica del Sud). Sete de ogni dieze sudamericani i ze sitadini del Mercosur.

De l'altra parte, el Mercosur el ze l'àrea econòmega e piataforma industriałe, pì dinàmega, conpetitiva e desviłupada, no solché del Latinamèrica, ma par fin de tuto el emifero sud. El ze considerà cofà el cuarto bloco econòmego del mondo, par inportansa e cuantità de afari, e ła cuinta economia mondiałe, se se consìdara el PIL nominałe produzesto in tuto el bloco.

Par de pì de ła inportansa econòmega che el reprezenta el Mercosur in tuta l'Amèrica Latina, sta comunità ła ga na rełevansa zeopułìtega de gran magnitùdene, ponesto-che do dei so menbri, Arzentina e Braziłe, i ze menbri de l'escluzivo G-20.

Nasion menbre

Stato parte

• Arzentina
• Braziłe
• Paraguai
• Uruguai
• Venesueła (Sospendesto)

Stato in procedimento de adezion

• Bołìvia

Stato de asociai

• Ciłe
• Cołónbia
• Ècuador
• Guiana
• Perù
• Suriname

Guyana e Suriname i ga firmà un acordo cuadro col Mercosur inte el lujo del 2013.

Reunion del Mercosur a Caracas, 2005.

Reunion del Mercosur a Córdoba, 2006.

Reunion del Mercosur a Brasilia, 2012.

Reunion del Mercosur a Paraguay, 2015.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Mercosur
• el detien schemi gràfeghi so

Linganbi foresti

• (ES) Sito ufisałemercosur.int.
• (PT) Sito ufisałemercosur.int.
• (inglezo) Sito ufisałemercosur.int.
• MERCOSUR (canale ufisałe)YouTube.
• MERCOSURTreccani.it – Enciclopedie on line, Istituto de ła Ençiclopedia Italiana.
• MERCOSUR, in Disionàrio de istòria, Istituto de ła Ençiclopedia Italiana, 2010.
• MERCOSURsapere.it, De Agostini.
• (EN) MercosurEnçiclopedia Britannica, Encyclopædia Britannica, Inc.