Mercedes-Benz

Mercedes-Benz
	;
Bomò	Das Beste oder nichts.
Epònemo	Mercédès Jellinek (it) e Karl Benz (it)
Dati
Sorte	marca autobiłìstega
Indùstria	indùstria automobiłìstega
Istòria
Creasion	1926
Fondador	Karl Benz (it) , Gottlieb Daimler e Wilhelm Maybach
Atività
Prodoto	auto per passeggeri (it) , autocarro (it) , autobus (it) , motore (it) e veicolo commerciale (it)
Governo d'impresa
Propietàrio	Daimler AG
Formà da	Mercedes-Benz (it)
Sito web	mercedes-benz.com…

Mercedes-Benz ła ze ła marca comersiałe utiłizà da vari produtori inte'l tenpo. El só primo dòprao el resałe al 1926 dopo ła fuzion de ła Daimler-Motoren-Gesellschaft (che da'l 1902 ła uiłizava el nome Mercedes pa'łe só autoveture) co ła Benz & Cie. e ła conseguente creasion de'l grupo Daimler-Benz. Ła marca ła ze stà de propietà de ła Daimler-Benz da'l 1926 a'l 1998 e de ła DaimlerChrysler dal 1998 al 2007. Inte'l 2007, drìoman el dizinpenjo a ła Daimler da'l grupo nasesto da l'union co ła Chrysler, Mercedes-Benz ła ze ła marca de ła nova Daimler AG unidamente a Maybach, McLaren (fin al 2009) e Smart.

Prima version de ła stèła de *Mercedes-Benz*

El stema, cołogà so'l cofano motor de łe veture, el raprezenta na stèła a tre ponte, senjo distintivo de ła Daimler, sircondada da ła corona de łavrano de ła Benz e da łe parołe Mercedes-Benz, senpre so ła corona esterna. El nome in cuestion (cuało?) el zera stà utiłizà za inte el 1924 par ła creasion de na prima rede de vendita in comun tra łe do aziende.

L'orizene de 'sta stèła ła vien da na cartułìna indove Gottlieb Daimler el gaveva dezenjà na steła a 3 ponte che ła raprezentava ła capasità de utiłizo de'l só motor par tera, aria e mar.

Inte'l 2019 Daimler ła ga desidesto de crerar ła divizion autonoma Mercedes-Benz AG, postatamente par seguir ła produsion de autoveture e veicołi comersiałi, mentre łe divizion autocari e autobus łe deventa Daimler Truck AG.

Storia

Ła storia de ła marca Mercedes-Benz ze sta intensa asé, par via dei avenjimenti stòreghi, połìteghi, econòmeghi e sosiałi che i se ga incrozà co ła só continua reserca e sparimentasion de sołusion d'avanguardia par poderse confermar ai màsemi łivełi de ła produsion mondiałe.

Dopo pochi ani de vita ła ga dovesto far prima i conti co ła Granda Depresion de'l 1929 e drìoman, inte'l 1933, co l'avento de'l nazismo, ed infin co ła segonda guera mondiałe, parìodo durando el cuało ła se ga convertìa paraltro a ła produsion bełica.

Denominasion dei veicołi Mercedes-Benz

Concesionario Mercedes a Monaco de Baviera (Zarmània)

Fin al 1994 ła denominasion uzual dei modełi Mercedes ła zera conponesta da 3 sifre che raprezentava ła siłindrata del veicoło e da una o più łetere che ne caraterizava ła motorizasion e ła tipołozìa. Da ła denominasion 200 D, ad exenpio, se podeva dezumer ła motorizasion diesel de 2.000 cm³ e ła partenjensa a ła clase de łe berline.

Da cheł'ano in po' i autoveicołi Mercedes i se divide in clasi a segonda del tipo e de ła partenjensa ad onjuna de st'altre. Atualmente cuełe in vendita łe ze: A (berlina a 2 vołumi e a 3 vołumi), B (monovołume), C (berlina, coupé, cabriolet e station wagon), E (berlina, coupé, cabriolet e station wagon), S (berlina, coupé e cabriolet), G (fuoristrada), X (pickup), V (furgon), CLA (coupé a 4 porte e shooting brake), CLS (coupé a 4 porte), SLC (roadster), SL (roadster), GLA (crossover SUV), GLB (crossover SUV), GLC (SUV e crossover SUV), GLE (SUV e crossover SUV), GLS (SUV), EQC (SUV ełetrico) e AMG GT (sportiva e coupé a 4 porte).

Ła Classe A ła ze na vetura de segmento C che raprezenta ła gama de aceso de ła caza todesca. Ła ga sostituìo inte'l 2012 el modeło preçedente, che'l zera inveçe na monovołume de inpostasion conpletamente difarente. Inte'l 2018 ne ze stà prezentà ła cuarta zenerasion, disponìbiłe anca in varsion berlina 3 vołumi.
Ła Classe B ła ze na monovołume che ła condivide el pianałe co ła soreła minor Classe A e come sta ùltema, insénbre a ła Classe CLA e ła Classe GLA, ła ga ła trasion anterior.
Ła Classe C ła ze ła clàsega berlina a 3 vołumi de segmento D de ła Caza todesca renovada par intièro inte'l 2014 co 2 diversi frontałi a segonda de łe varsion. Ła Classe C ła ze disponìbiłe anca inte łe varsion station wagon, coupé e cabriolet. Łe so concorenti storeghe łe ze ła BMW Serie 3 e l'Audi A4.
Ła Classe CLA, o pì senplisemente CLA (sigla de projeto C117) ła ze na coupé a 4 porte produzesta a partir dal 2013. Inte'l 2015 ne vien prezentada ła varsion Shooting Brake e inte el 2019 ne vien prezentada ła segonda zenerasion. Ła ze disponìbiłe anca co motorizasion AMG: Ła AMG CLA 45s 4Matic+ monta el 4 siłindri benzina pì potente del mondo, 421 cavałi par 2 łitri de çilindrata.
Ła Classe CLS ła nase so ła baze de ła ercedes-Benz Classe E. El łanso l'è avenjesto inte l'ùtuno del 2004. L'idea de ła caza todesca ła jera cueła de crear na berlina co na łinea talmente fiłante da confondarse co na coupé. Sto conceto fa difondar un vero e propio novo segmento de veture: łe coupé a 4 porte. Inte'l 2010 ze entrà in comersio ła segonda serie e inte'l 2014 A ze stà proponesta ła variante Shooting Brake. Dal 2018 A ze in comersio ła tersa serie, disponibiłe solo in varsion coupé a 4 porte. Łe so concorenti prensipałe łe ze ła BMW Serie 6 Gran Coupé e ła Audi A7.
Ła Classe E, de ła cuała ze stà prezentà el novo modeło inte'l 2016 (sotoponesto po' a restyling inte'l 2020 par sèitar el novo corso stiłìstego de ła caza todesca), ła ze na grosa berlina de segmento E, ma anca uno dei piłastri de ła produsion. Łinea ełegante, motori ecołòzeghi, interni e dispozidivi tecnołòzeghi de prima nesesità. Ła ze disponibiłe par zonta inte łe varsion station wagon (anca co trasion integrałe permanente 4Matic), coupé e cabriolet. Da ła cuarta zenerasion ne ze disponibiłe na varsion fuoristrada derivada da ła station wagon, co l'obietivo de far concorensa a l'Audi A6 Allroad.
Ła Classe G (G sta par Geländewagen, cioè fuoristrada) ła vien produzesta fin dal 1979 in diverse serie. Ła raprezenta un fuoristrada sportivo da łe prestasion ecesionałe.

Ła Classe GLA (prozeot X156) ła ze un crossover introduzesto inte'l 2014. Ła sconpartise el steso pianałe de ła Classe A, de ła Classe B e de ła Classe CLA. Inte'l 2018 A ne ze stà prezentada ła segonda zenarasion.
Ła Classe GLK (nome de prozeto X204) ła ze un SUV de fasa medio-alta produzesto da'l 2008 a'l 2015, ano cuando che'l stà sostituìo da ła GLB.
Ła Classe GLC ła sostituise ła GLK e ła vien produzesta anca co carosarìa coupé, so ła sia de ła BMW X4. Inte'l 2020 ła vien sotoponesta a restyling.

Ła Classe GLE, in presedensa denominada Classe M, ła ze stà introduzesta a partire da'l 1997 e ła raprezenta un conpromesso tra fuoristrada e SUV (ła sigla presedente, infati, ła stava par Mehrzweck Leich, overo multiuzo łeziero), mentre inte łe edision drìo, co ła sconparsa de'l tełer sostituìo da ła carosarìa portante e de racuanti optionals de protesion forastradìsteghi, ła acuista conotasion da SUV de fasa alta. Ła GLE ła vien produzesta, cofà ła GLC, anca co carosarìa coupé par contrastar ła BMW X6. Inte'l 2015 ła ga asumesto ła denominasion atuałe e da'l 2020 A ze comersio ła cuarta serie.
Ła Classe GLS, presedentemente nota come Classe GL, ła ze un SUV de łuso (segmento F) produzesto a partir da'l 2006. Ła nase par frontezar el prołifegar de alguni SUV de taja XL che i jera drìo sparpanjarse in Europa ed in Nordamerica, ad ezenpio ła Range Rover Sport e ła Cadillac Escalade. Da'l 2006 a'l 2012 A ze stà produzesta ła prima zenerasion, indegada co ła sigla X164, mentre co ła sigla X166 A ze indegada ła segonda zenarasion, che drioman a un restyling inte'l 2015 ła ga asumesto ła denominasion atuałe, devenjendo de fato ła prima serie de ła Classe GLS. Da'l 2019 A ze in produsion ła segonda serie de ła GLS, de ła cuała ła sigla ła ze X167, disponibiłe anca in varsion Maybach.

Ła Classe S ła ze ła granda amiraja da senpre ponto de refarimento de ła so categoria par clase e stiłe incondibiłi. Proponesta in do carosarìe, normałe e łonga, ła ze senpre ai vertici, par seguresa, prestasion, tecnołozìa e comfort. Mercedes inte'l 2008 ła ga prezentà in vari sałoni varsion ibride ed ecołòzeghe de sto modeło co l'intento de sotołinear el so inpegno inte ła creasion de veture capase de respetar l'anbiente a presinder da ła clase e da ła categoria. Ła ze produzesta anca in varsion, coupé (costituìndo in sot cazo ła Classe CL: C140, C215, C216), in varsione limousine e cabriolet. Tute łe varsion łe ze disponibiłi co motorizasion AMG: S 63 (5,5 V8 biturbo) e S 65 (6,0 V12 biturbo). Da'l 2015 A ze inazonta disponibiłe na łusuozisima varsion a paso extrałongo soto ła marca Maybach. Inte'l 2020 ne vien prezentà ła sètema zenerasion.

Ła Classe SL ła ze na serie de automobiłi sportive e de łuso achipajàe escluzivamente co motori a benzina. L'acrònemo SL el deriva infati da łe inisiałe de łe parołe Sport e Leicht, che in todesco łe senjifega Sportività e Łezeresas. Derivàe da ła 300 SL da conpetision prezentada inte'l 1952 e da ła 300 SLR de'l 1955, da'l 1954 a uncò A ze stà prezentàe 5 diverse zenerasion de SL. R231 ła ze ła sigla de ła sesta zenerasion de ła Classe SL, n'autovetura roadster de łuso produzesta da ła Caza automobiłìstega todesca Mercedes-Benz a partir da'l 2011.
Ła Classe SLK ła ze na vetura partenjente a'l segmento de łe roadster conpate, łe cui prensipałe concorenti łe ze ła BMW Z4 e l'Audi TT Roadster. SLK el ze l'acrònemo de Sportlich (sportiva), Leicht (łeziera) e Kompakt (conpata). So'l fenir d'el 1996 A ze venjùa fora ła prima zenerasion, co tełaro R170, che ła ze stà sostituìa da'l novo modeło de'l 2004, co tełaro R171. El 17 zenaro 2011 Mercedes-Benz ła łansa so'l marcà europèo ła tersa zenerasion, co tełaro R172. Inte'l 2016, co un restyling ła canbia nome in SLC, in vista de'l nuovo criterio de denominasion dei modeł Mercedes-Benz. Da'l 2020 no ła ze pì in produsion.
Ła SLS AMG, sigla de prozeto C197, ła ze n'autovetura sportiva alte prestasion e a produsion łimitada produzesta a partir da'l 2010. Ndada fora produsion inte'l 2014, a'l só posto A debuta ła nova AMG GT. Ła sigla SLS no ła indegava na parenteła tècnega co ła Classe S, ma ła senjifegava Sport Leich Super. Sercando de rancurar l'eredità de'l modeło 300 SL dei ani '50, ła SLS ła gaveva par de pì łe portiere ad ałe de cocal. El ze stà l'ùltemo modeło de ła Steła a tre ponte a montar el famozo motor V8 aspirà M159 da 6,2 łitri (declarà 6,3).
Ła Classe V ła ze na monovołume produzesta da'l 1996 so baze Volkswagen Transporter. Daspò un parìodo de inutiłizo che'l durava da'l 2003, inte'l 2014 tałe denominasion ła ze stada respolvarada in ocazion de ła tersa zenarasion de'l modeło, pì łusuoza de cheła presedente.
Ła Classe X ła ze un pick-up produzesto a partir da novenbre 2017 che'l sconpartise ła piatofrma co Renault Alaskan e Nissan Navara. A cauza dei scarsi nùmari de vendita, da'l 2020 no ła ze pì in produsion.

I altri veicołi marchià Mercedes-Benz

Un moderno Travego de ła Mercedes-Benz

Mercedes Benz ła produze anca camion, autobus (Classe O), mezi da łaoro e cari funebri bazà so ła berlina de fasa alta Classe E (Pilato).

Da'l 1990 el reparto AMG el reałiza modełi sportivi destinài a łe conpetision de'l DTM e varsion sportive de łe auto de serie. 'Sti prodoti spesiałi i ze reałizà pì che altro so ła baze de modełi in comerso, che i vien consenjà da ła fàbrega sentrałe a l'AMG che, daspò na łaorasion artezanałe (onji motor ełaborà el vien preparà da n'ùnego operaio che, a ła fine de'l proseso, el inprime ła só firma sora de'l motor), el ghe reconsenja a'l cliente na machina sensibilmente pì sportiva (in aseto, motor, freni, interni, sediłi ed altri partegołari). Atualmente inte'l reparto corse todesco A ghe łaora poco pì de 650 dependenti.

Inte'l 2014 A ze stà prezentà ła AMG GT, prima auto zviłupada intieramente da ła AMG.

Mercedes-Benz

Ìndaxe

Storia

Denominasion dei veicołi Mercedes-Benz

I altri veicołi marchià Mercedes-Benz

Veicołi produzesti

Autoveture

Gama atuałe

I modełi de'l pasà (da łe orizeni a'l 1950)

I modełi de'l pasà (da'l 1950 fin 'vanti)

Autobus

Autocari

Veicołi comersałi łezeri