Meru

I meru i xe on popoło che vive sol monte Kenya e ne i so dintorni. I meru, ameru ne la so lengoa, i parla el meru ma i capise anca el swahili e el kikuyu.

Grupi

I meru i se divide in sete grupi:

tigania
igemebe
imenti
miutuni
igoji
mwimbi
muthambi

Altri do grupi, i chuka e i tharaka, i vien ancò considerà do grupi etnici separadi, anca se lori i continua a sentirse de i meru. El sistema de governo tradizionale el xera fondà so on cosilio de i ansiani votà da la popołasion. Ghe xera consili a livelo de clan, de grupo e su fin al "njuri ncheke", el consilio supremo de tuto el popolo meru. Tra i meru se catava anca de le società segrete che le tendea a de le funsioni particolari.

Storia

La tradision orale de i meru la xe varia. Sto fato, e altri segni, el ga portà i studioxi a credar che i meru i sia el rsultà de l’union de diversi pooli. I gavaria meso insieme le tradisioni de le origini, dando vita a na mitologia de le origini contrastante. Alcni antropologi, specialmente quei che i ga studià tra i tharaka, i ga racolto storie simili a quele del Vecio Testamento. Ste storie le xe de dubia origine. Visto che i antropologi i ga utilixà el juto de zoeni studenti che i ga podesto rimestar le storie vecie co quele de la Bibia che i ga studià a scola.

Scole

Anca se i meru i vive inte na zona de de frecuente seca e poareta, le scole le xe tra le mjo del paexe. Tute le scole le xe stà costruie da i misionari catoleghi e protestanti. Ens to modo, i meru, che i xe na minoranza numerica, i ga tanti personaji de primo pian inte la società keniana. De particoalre interese le xe le scole tecniche e le aplicasioni fate a l’agricoltura e la canalizasion de le acque potabili da parte de i misionari italiani de la Consolata de Torino.

GEMA

Meru, embu e kikuyu (le tre etnie che le vive sol monte Kenya) le ga formà l’aleansa ciamada GEMA (Gikuyu-Embu-Meru Association). Sta coalision la gavea, e on certo modo la ga ancora, interesi politeghi e econòmeghi. La GEMA la ga rinovà la so esistensa in tel 2002, ano de la vitoria de l’oposision contro el governo del partio KANU, chel gavea guidà el paexe fin da l’indipendensa.

Portałi

Portałe de Africa

|

Wikimedia Commons el detien imàjini o altri file so Meru
Scholia el detien schemi gràfeghi so Meru

Controło de autorità	LCCN (EN) sh85083892 · BNF (FR) cb12384424p (data)