I Embu i xe n’etnia kenyana. El teritorio ancestrale el xe quelo conpreso en te i distreti de Embu e de Mbeere. Ancò, i studioxi i considera i mbeere come on grupo diverso da i embu. I embu i xe considerà cusini co i kikuyu e i meru che i abita ne la stesa zona sul Monte Kenya.

Storia canbia

No ghe xe prove serte de l’origine de i embu. I studiosi i pensa che i embu, co kikuyu e meru, i sia vegnudi da el basin del Congo durante le migrasion bantu. I saria ndà fin a la costa de l’oceano Indiano e dopo tornà ndrio fin al monte Kenya. La mitologia de i embu la dixe che i saria nati a Mbue Njeru, on posto rente de la sità de Runyenjes. I embu i xe senpre stà agricoltori, ma i ga anca animali da alevamento. Sensa esar famoxi guerieri, i ga senpre proteto el teritorio da i atachi de i kamba e de i maasai.

Economia canbia

I embu i xe bacani. La produsion agricola la xe vendua sol marcà de Nairobi. La tera fertile e l’acqua par l’irigasion i permete boni racolti. El problema pi groso el xe la framentasion de i tereni co el pasar de le generasioni. Tanti embu i lasa la tera par catar laoro en te le xone urbane.


Controło de autoritàLCCN (ENsh85042730 · BNF (FRcb135662131 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Embu&oldid=983449"