Minecraft
Minecraft el xe un videozogo sandbox openworld desvilupà da la Mojang Studios. El zogo l’è stà creà da Markus “Notch” Persson inte’l lenguajo de programasion Java. Dopo na serie de version de test el zogo el vegne revelà inte’l Majo 2009 e al fin relassà in Novenbre 2011, a cura de Jens Bergensten. Da alora Minecraft el xe stà portà anca su altre piataforme e atualmente el se atesta come el videozogo piassè vendùo de tuti i tenpi, con oltre 238 milioni de copie e squasi 140 milioni de utenti ativi par mese (a 2021).
In Minecraft el zogador el esplora un mondo ingenerà proseduralmente in 3D, potensialmente infinìo, el pol descovèrzar e estrar materiài grezi, “craftar” ojeti e istrumenti, el pol costruir struture de ogni zènare. Conforme la modalità de zogo el zogador el pol catarse ad afrontar NPC mob o cooparar o conpètar con altri zogadori inte’l mèdemo mondo. Le modalità de zogo le include soravivenza, in dove xe necessario arbinar resorse par costruir e matègnarse in salude, e modalià creativa, co’ resorse ilimitade e la possibilità de svolar. I zogadori i pol modifegar el zogo par crear nove mecàniche de zogo, ojeti e inpostasion.
Minecraft l’è stà aclamà da la crìtega, vensendo recuanti premi e vegnedo sità come el zogo piassè vendùo de tuti i tenpi. I social, le parodìe, le adatasion, el “merchandise”, e el convegno anual MINECON i ha zugà un rolo fondamental in la popolarizasion del zogo. In pì Minecraft l’è stà doparà inte’l conparto de l’educasion par insegnar chìmega, computer-aided design, e siense informàteghe. Inte’l 2014 Mojang e la propietà inteletual de Minecraft le xe stade cronpade da Microsoft par 2,5 miliardi de US$. Xe stà produto anca dei zoghi "spin-off" come Minecraft: Story Mode, Minecraft Dungeons e Minecraft Earth.
Caràtari de zogo
canbiaMinecraft no’l ga dei obietivi obligadi da razónzar, lassando i zugadori ‘na gran libartà de decision. Internamente al zogo se cata un sistema de obietivi conossùi come “avanzamenti” in la Java Edition e come “trofèi” par i adatamenti PlayStation. El zugo l’è inpostà in prospetiva de prima parsona ma el zugador el pol mudarla in prospetiva de tersa persona. El mondo de zogo l’è conposto da ojeti 3D – prinsipalmente cubi e flùidi ciamadi comunemente “blochi”- a rapresentar vari materiài, come tera, piera, minerài, fusti de àlbari, àcua, lava. El gameplay el roda intorno al rancurar e piassar ‘sti ojeti. In zonta el zogo el se arìgola de un sistema de “crafting” che el parmete de re-elaborar le resorse par otègnar ojeti piassè elaborài.El zogo el contien anca un material conossù come “redstone”, che’l pol èssar doparà par costruir desposidivi mecàneghi, çircùiti elètreghi e ponti lòzeghi parmentendo anca l’ideasion de sistemi evoludi.
El mondo de zugo l’è potensialmente infinìo e proseduralmente ingenarà man in man che’l zugador el lo espolora, atraverso un “seme del mondo”. Ghe xe lìmiti in elevasion vertigal ma Minecraft el parmete un movimento infinìo sul piano orizontal. El zogo el parmente el cargamento de unità de teren ciamade “chunk”, cargade o ingenerade co’ el zugador el xe darente. El mondo l’è inoltre dividesto in biomi de varie tenperadure e caratarìsteghe e tre dimension: The Overworld, The Nether, The End. . El zogador el scomisia senpre el so viajo inte la dimension Overworld.
Al momento de la creasion de un novo mondo el zugador el ga da selesionar una de le çinque modalità de zogo oltre che la dificoltà, da paxifego a difìsile
Inpato cultural
canbiaIn Setenbre 2019 “The Guardian” l’ha classifegà Minecraft come el mejor videozogo de le prime do dècade del XXI sècolo e in Novenbre 2919 “Polygon” l’ha ciamà el zugo come el “piassè inportante zugo del deçenio”
Desvilupo in lengua veneta
canbia| 2009 | Pre-Classic |
|---|---|
| Classic | |
| Survival Test | |
| 2010 | Indev |
| Infdev | |
| Alpha | |
| Beta | |
| 2011 | Beta |
| 1.0: "Adventure Update" | |
| 2012 | 1.1 |
| 1.2 | |
| 1.3 | |
| 1.4: "Pretty Scary Update" | |
| 2013 | 1.5: "Redstone Update" |
| 1.6: "Horse Update" | |
| 1.7: "The Update that Changed the World" | |
| 2014 | 1.8: "Bountiful Update" |
| 2015 | |
| 2016 | 1.9: "Combat Update" |
| 1.10: "Frostburn Update" | |
| 1.11: "Exploration Update" | |
| 2017 | 1.12: "World of Color Update" |
| 2018 | 1.13: "Update Aquatic" |
| 2019 | 1.14: "Village & Pillage" |
| 1.15: "Buzzy Bees" | |
| 2020 | 1.16: "Nether Update" |
| 2021 | 1.17: "Caves & Cliffs: Part I" |
| 1.18: "Caves & Cliffs: Part II" | |
| 2022 | 1.19: "The Wild Update" |
Minecraft Java Edition el parmete la localizasion del zugo in pì de 120 lengue (al 2021), el desvilupo in veneto el scomisia inte'l 2018, portando par la prima volta el zugo in una de le lengue stòreghe presente in Italia. Da la varsion 1.13 pre-1 el veneto el deventa oficialmente desponìbile par la Java Edition e interamente zogàbile, ma par la strutura stessa del zugo, la tradusion l'é aplegada anca a le varsion preçedente, in manera retroativa.
Altri projeti
canbia
Wikimedia Commons el detien imàjini o altri file so Minecraft
el detien schemi gràfeghi so
Linganbi foresti
canbia- (inglezo) Sito ufisałeminecraft.net. Sconosesta: inglezo (juto)
- Minecraft - Topic / Minecraft (canale ufisałe)YouTube.
- (EN) Minecraft / Minecraft: Wii U Edition / Minecraft: Nintendo Switch Edition / Minecraft: PlayStation 4 Edition / Minecraft: Xbox 360 EditionMobyGames, Blue Flame Labs.
- (EN) Minecraft (album musicali)VGMdb.net.
- (EN) MinecraftInternet Movie Database, IMDb.com.
| Controło de autorità | VIAF (EN) 306261324 · LCCN (EN) no2015123713 · GND (DE) 1068604875 · BNF (FR) cb167377353 (data) · BNE (ES) XX5535482 (data) · WorldCat Identities (EN) no2015-123713 |
|---|