Monte Venda

Monte Venda
	;
Sorte	Montagna
Posto
Continente	Eoropa
Rejon aministrativa	Vèneto (Itàlia)
Caena montagnoza	Cołi Euganei
Dati e sifre
Altitùdene	601 m

El Monte Venda, situà inte i comuni de Teoło, Sinto Eugàneo, Galzignan Terme e de Vo' el ze, coi so 601,3 metri, ła pì alta erlevasion dei Cołi Euganei. Arente de sto cuà ghe ze el Monte Rua, su ła cuała sima el ze vegnesto trato-sù el tanto conosesto Èremo; par poco no el połe èsare considarà na montagna, drio paràmetri internasionałi, parché no el riva tocar i 2000 pie (610 metri).

Inte ła sima, intrà łe instałasion miłitari ormai fora dòpara e repetitori radiotełevizivi, ghe ze i rovinasi de l'antigo Monastiero dei Olivetani, nasesto sirca inte el 1100 drio l'inisiativa de un eremita, e un sècoło dopo pasà ai mònaghi Benedetini. I rùdari, da poco restaurai e metesti in seguresa, i permete de goder ła paze de un posto panoràmego e trancuiło, co splendévułi vizion su tuti i Cołi, su ła Pianura Padana e sul Monte Rua.

El Monte Venda el òspita uno dei pì inportanti e stratèzeghi sentri de trasmision radiotełevizivi del Vèneto, el cuerze tuto el teritòrio vèneto, parte del Friułi-Venèsia Jùlia, del Trentin, de l'Emìlia-Romagna, e de łe provinse de Bresa e Mantoa. Durante łe escursion el ze consejàbiłe portarse in ogni cazo na mapa de ła zona, che ła połe jutar racuanto in faze de orientamento e inte ła decizion de percorsi alternativi. Da notar ła estrema fidabiłità de łe mape publegae par via de ła Rejon Veneto dal Parco rejonałe dei Cołi Eugànei.