Mus musculus

Al sors (Mus musculus) al é an pičol roditore de la faméia dei Muridi del gènere Mus. El xe anca ciamà sorxe domestico, par diferensiarlo da cueło selvadego.

Mus musculus

Rezistrasion
Dati
Lonzevità màsima	4 anini
Hàbitat	prateria (it)
Stato de conservasion
Ris-cio mìnemo
UICN	13972
Tasonomia
Clase	Mammalia
Órdene	Rodentia
Fameja	Muridae
Tribù	Murini
Zènare	Mus
Spece	Mus musculus L., 1758
Nomenclatura
Sinònemi	Mus molossinus yonakuni
Distribusion

El xe ła specie pì difondesta del so xenere, el ghè in quasi tuti i paesi del mondo, el pol far dani ingenti e anca difonder malatie. Nonostante cuesto, serte spece vien anca adottae come animal domestico. El sorxe più grando del mondo el xe el Capibara, che vive in Sudamerica e el pol pesar fina 70 chili.

Morfołozia

Al corpo del sors, cuèrt da péi, l'è separà in tre pàrt:

• La testa o masùia la contién la bóca coi dént e i organi oči, nàs e réče.
• Al tronco, con tacàze quàtro sàte.
• La cóa, fina e longa quant al tronco e la masùia.

Le man le a quàtro dét e con artigli, an pòlice cùrt e sinque cài palmàri. Al pié l'a sinque dét.

Dove te lo càta

Se pol catàrlo in quasi tùti i paesi del mondo, pì spés te le cantìne, sofìte e posti scònti dove che l pòl stàr tranquìlo e trovàr da mañar. Se adomesticà, al pol viver anca inté le case. Al vive tra un e tre ani, sempre se no te lo cópa prima.

Combàter

Par čapàrlo e difénder al to formài, la farìna o el pàn che te a in cantina, te pól molàrghe an gàt, ma de quei selvàreghi e svelti, o te pol usàr an tamài co un tokét de formài stagionà.

Sors (Mus musculus).

Varianti

• Al sors de campàña, l sé presénta pi grànt del zors doméstico, e con al pél rós scùr. Sta ràza la va a sercàr al mañàr scavàndo bùs e galerìe soterànee, sgagnàndo le radìs de piante de pìčol e grando fùsto.
• La pantegàna l'è dela stesa faméia, ma tanto pì gròs, col pél lustro e de colòr grigio-vért e l vive pì te le zone sporche, tipo fogne, palùdi e in mezo a scoàze. L'é pì catìvo e pericoloso parché al pól morsegàr e portàr malatìe.

Nomi veneti

• Belun: Sors
• Padoa: Sorše o morejéta