Nùmaro primo

Aboso
Sta pajina so 'l argomento siensa ła xè soło che n'aboso
Contribuissi a mejorarla secondo łe convenxion de Wikipedia

Un nùmaro primo xe un nùmaro maxor de xèro che'l pol dividarse par lù e par uno. El pi picoło nùmaro primo xe el e, sibèn che se pòl demostràr che i numari primi i xe infinii, de numari primi pari non ghi n'è altri.

Tuti i numari maxori de uno i se pòl scrivar in na maniera ùgnoła cofà un prodoto de numari primi (e ł'ordine no conta parché ła moltiplicasion ła xé comutativa).

El tamixo de EratosteneModìfega

Eratostene el xé stà un studioso de ła Gresia antica che 'ł se gà inventà un sistema pa' catare fora i numari primi pì picołi de un serto numaro che se decide daprinsipio (e da qua ło ciamaremo n par comodità). Besogna fare diversi pasaji pa' rivare al rixultato:

  1. Se scrive i numari da 1 fin n inte 'na tabeła (un numaro pa' ogni buxo). 'Sta tabeła ła se ciama el tamixo.
  2. Se scomisia a scancełare i numari che se poł dividare par 2.
  3. Dopo se scanceła i numari che se poł dividare par 3.
  4. Deso el pasajo inportante xé che toca al 5 e no al 4: infati el 4 el xé stà scanceła prima, dato che el se poł dividare par 2. Praticamente, el sarìa un pasajo inutiłe, parché tuti i numari che se poł dividare par 4 i se poł dividare anca par 2; cuindi rajonemo che tuti i numari scancełai besogna saltarli.
  5. Se va vanti finché a un serto punto no salta fora che no ghe xé altri numari da scancełare. I numari che xé rimante inte el tamixo i xé tuti i numari primi pi' picołi de n.

El sistema se ciama tamixo parché besogna scrivare i numari da 1 fin n inte 'na tabeła, e dopo se taca a "tamixare": a ogni pasajo ghe demo 'na tamixada pi' forte, e cusì ała fine i numari primi i xé come i grani de formento che resta sora al tamixo, invese i numari che no xé primi i xé cascai baso come i tochi de tera o de buła.