Nastro adezivo
El Nastro adezivo (talvolta Scotch) el ze un nastro de plàstega o carta a ła cuała ła vien aplicada na sostansa adeziva. El nastro el połe èsar adesivo solché inte un lato o da anbedó (nastro biadezivo), inte el secondo cazo uno dei do lati del nastro el ze de frecuente protezesto da na pełìcuła.
El ze doparà par incołar ojeti intrà de lori par el pì in magnera tenporànea, ma anca permamente. L'adezion ła ocore par sénplego contato co l'ojeto.
I pì difondesti i ze pareciai co adezivi sensìbiłi a ła presion e i ze autoadezivi. I ghe ze anca nastri adezivi termoativàbiłi (che prima de l'aplicasion i ga da èsar ativai col całore) e nastri adesivi ativàbiłi co àcua (che i ga da èsar moji co àcua).
Stòria
canbiaL'inventore del nastro adezivo el ze sta ła statunitense Richard Drew, sercadore de ła 3M, che el ło ga creà inte el 1925 e el ło ghea metesto in comerso inte el 1930. In Eoropa el zera rivà solché inte el 1937. El nastro adezivo el zera fazesto co coła da marangon e glicerina. Pararia parò che ła 3M, par sparagnar schei, ła doparase poca coła e che de consevensa calchiduni i ła ghea acuzada de èsar "scoseze" (in referimento a ła stereotipada tirchieria dei scosezi), da cuà l'orìzene del nome "scotch".
Descrision
canbiaTipi de nastro adesivo
canbia- Nastro adezivo par inbałajo: in plàstega, de sòłito de cołore avana, largo 50 m, el ze doparà par inbało o saraura de scàtołe.
- Nastro adezivo trasparente: in plàstega, de frecuente de picenine dimension (10–19 m), el ze doparà par caza, scoła e ufiso.
- Nastro da muro: in carta, el ze poco adezivo e el ze doparà par vegner incołà tenporaneamente su muri sensa rovinarli, par ezénpio par cuèrzar na parte che no ła ga da vegner depenta.
- Nastro izołante: in plàstega ełàstega spesa, de sòłito PVC, el ze doparà par unir o izołare fiłi e altri aparati ełètreghi.
- Nastro adezivo telà: el ze doparà soratuto inte l'indùstria. Costituio da na matrise tèsiłe lamenada inte l'interior del spesor del nastro adezivo isteso. El ze tanto rezistente a ła trasion.
- Nastro adezivo mèdego: el ze doparà inte łe medicasion. De sòłito de cołore bianco o roza.
- Nastro biadezivo: el ga un strato adezivo su anbedó i lati.
- Nastro biadezivo fingerlift: el ze un particułare tipo de nastro biadezivo dotà de na pełìcuła de protesion majorada, pì larga del strato adezivo. Sto nastro el ze pì fàsiłe da doparare soratuto co che se ga sù i guanti.
Notasion
canbia
Altri projeti
canbia
Wikimedia Commons el detien imàjini o altri file so Nastro adezivo
Linganbi foresti
canbia
| Controło de autorità | NDL (EN, JA) 00570847 |
|---|