Natalino Balasso

Natalino Balasso el xe un autor e ator de teatro, sìnema, radio e tełevixion itałian.

Natalino Balasso

(2021)
Biografia
Nasimènto	2 de disenbre del 1960 (64 ani) Porto Tołe (Itàlia)
Atività
Ocupasion	ator, scritor, comediante, ator de teatro
Sito web	natalinobalasso.it

El gà debutà in teatro inte el 1991, in tełevixione sol finìr dei ani novanta, al sìnema inte el 2007 e gà scrito alguni łibri de narativa.

Biografia

Ator e scritor autodidata e versatiłe, Natalino Balasso taca ad exibìrse nei club e nei picòłi teatri de l'Emilia-Romagna cospetacołi comici sureali dal stiłe vagamente futurista a la fìn dei ani 80.

Inte el 1993, grasie a łe so cołaborasion come autor a riviste de umorismo e satira (Comix, Cuore, Smemoranda) e a ła publicasion de un so łibro de raconti sureàłi dal titòło "Operazione buco nell'acqua" (Sperling & Kupfer editori), vien rimarcà dai produtore de algune trasmision tełevixive dei canàłi Mediaset e scominsia na cołaborasion co la dita come autor comico. La so prima tournée significativa ła deve a l'incontro avùo co Maurizio Grande co el qual el scrive un monołogo dal titolo "Il grande pop corn" che sarà raprexentà in tuta Itàlia inte el 1994 par la regia de Paola Galassi.

Inte el 1995, sbandonà l'atività de autor tełevixivo e grasie ad un periodo formativo de sìrca un ano co l'ator e formator american Philip Radice, el se interesa al mondo de ła Comedia de l'Arte e afronta łe so prime esperiense de caocomico fondando a Bołogna ła Compagnia degli Gnorri co cui laora insìn al 2004 in varie tournée nei teatri del nord Itałia. Co sta conpagnìa afronta prima un laoro de riscritura dei canovàsi de ła Comedia de l'Arte e de atuałixasion de łe màscare che sbòca in 8 spetacòłi scriti da èło che conta ła saga de "L'isola degli Gnorri", raprexentài a ła maniera de ła Comedia de l'Arte co canovàsi e senàri so'i quàłi i atori inprovixa i diałoghi. Inte el 2003, dopo aver partesipà come comico ad algune trasmision tełevixive che lo gà fato conosare a livèło nasionàłe, el afronta ła so prima tournée de proxa a livèło nasionàl co ła Compagnia degli Gnorri metendo in sèna na farsa briłante dal titoło "Dammi il tuo cuore, mi serve" de cui e xe autor e regista.

Dopo el 2003, Balasso afronta anca ròłi sinematografici, partesipando al film di Carlo Mazzacurati "La giusta distanza" co Giuseppe Battiston, al film "Non pensarci" par la regia de Gianni Zanasi, co Valerio Mastandrea, a ła fiction in sìe epixodi "Padri e figli" par la regia de Gianni Zanasi e Gianfranco Albano, co Silvio Orlando e a ła fiction in sìe pontàde "Il segreto dell'acqua", par la regia de Renato De Maria co Riccardo Scamarcio.

Altri progetti

• Wikimedia Commons

• Wikimedia Commons el detien imàjini o altri file so Natalino Balasso
• el detien schemi gràfeghi so