Nicaragua

**Nicaragua**
República de Nicaragua (es)
Bandiera	Stema
	; Old Cathedral of Managua (en) ;
Ino	Salve a ti
Bomò	«Ymddiriedwn yn Nuw» ; «Unica. Original!»
Epònemo	Nicarao (it)
Pozision
	13°N 85°W
Continente	Amèrica del Nord
Capitałe	Managua
Popołasion
Totałe	5 142 098 (2005)
Densità	39,44 hab./km²
Zènaro
Demònemo	nicaraguenso, nicaraguensi, nicaraguensa, nicaraguense
Idioma	spagnoło
Speransa de vita	75,404 (2016) ; 1,404 (2021)
Putełi no scołarizai	142 550 (2010) ; −3 374 (2006)
Zeografia
Parte de	amèrica latina, amèrica sentrałe e ispanoamèrica
Àrea	130 375 km²
Ponto pì alto	Cerro Mogotón (2 107 m)
Ponto pì baso	Mar de i Caràibi (0 m)
Rente a	Costa Rica ; Ondùras ; Cołónbia
Prima mesion documentada	Stato de Nicaragua, Costa dei Miskito e nasion Misquita
Organizasion pułìtega
Forma de goerno	repùblega
Òrgano ezecutivo	Goerno de Nicaragua (en)
Òrgano lejislativo	Asenblea Nasionałe de ła Repùblega de Nicaràgua
Presidente del Nicaràgua	Daniel Ortega (it) (10 de zenaro del 2007)
Ìndaze de Democrasia	3.60/10
Menbro de	Organizasion de łe Nasion Unìe, Organizasion mondiałe del comerso, Banca Internasionałe par ła Recostrusion e Desviłupo, Asociasion Internasionałe del Desviłupo, Corporasion Finansiària Internasionałe, Organismo Multilaterałe de Garansia dei Investimenti, Sentro Internasionałe de Regołamento de Difarense Rełasionae ai Investimenti, OPANAL, Banca Sentramericana de Integrasion Econòmega, Marcà Comun Sentramerican, Interpol, Organizasion par ła Proibision de łe Arme Chìmeghe, UNESCO, Union Postałe Universałe, Union Internasionałe de Tełecomunicasion, Organizasion dei Stati Americani, Organizasion Internasionałe de Protesion Siviłe, Organizasion Meteorołòzega Mondiałe, Organizasion mondiałe de ła sanità, Organismo Internasionałe Rejonałe de Sanità Agrìcuła e Organizasion Mondiałe de łe Dogane
Economia
PIL nomenałe	14 145 852 101 $ (2021)
Persentuałe IVA	15 %
Ìndaze de desviłupamento oman	0,667 (2021 )
Moneda	Córdoba nicaraguense
Banca sentrałe	Banca Sentrałe de Nicaràgua
Taso de dezocupasion	5 %
Coefisente de Gini	46.2/100
Còdazi de identifegasion
ISO 3166-1	NI NIC 558
Còdaze de matricołasion	NIC
Fuzo oràrio	UTC-6 ; Amèrica/Managua
Domìnio de primo liveło	.ni
Prefiso tełefònego	+505
Tełèfono d'emerzensa	118 (połisia); 128 (servìsio mèdego d'emerzensa); 115 (ponpieri); 120 (ponpieri)
Preza ełètrega	tipo A e tipo B
Istòrego
	← Stato de Nicaragua ; Costa dei Miskito ; nasion Misquita
Sito web	visitnicaragua.us

Nikaragua, ufisalmente ciamà Repùblega de Nikaragua, el ze un paeze sovran ponesto in Sentroamèrika. La so kapitałe ła ze la sità de Managua, anka se anteriormente ła zera Leon. El ze formà da kuìndaze departementi e do rejon autònome: Kosta Karaìbega Nord e Kosta Karaìbega Sud, łe kuałe kapitałi łe ze Puerto Kabezas e Bluefields, respetivamente. El se pozisiona inte l'emisfero nord, intrà la lìnea ekuatoriałe e el tròpego de Kancro, prosimadamente intrà i 11° e li 15° de latitùdene Nord e respeto al meridian de Grinuic, intrà i 83° e li 88° de lonzitùdene Ovest.

El teritòrio de Nikaragua el ga na superficie prosimada de 130 370 km², vegnendo kusita èsar el paeze pì estendesto del Sentramèrika. Nikaragua el konta de na popołasion de 6 595 674 abitanti (2020). El konfina al nord ko Honduras, al sud ko Kosta Rika, a l'ovest col Osèano Pasìfego e verso est kol mar dei Karàibi. Vardando ai konfini marìtemi, inte el osèano Pasìfego el sta arente de El Salvador, Honduras e Kosta Rika; mentre ke inte el mar Karaìbego el sta arente ko Honduras, Kołónbia e Kosta Rika^[16].

Le ze rekonoseste le léngue dei pòpułi indìzeni orizenari kofà el ingleze krioło nikaraguense, miskita, Sumu o Sumo, garìfuna e rama.

Abità da pòpułi prekołonbini, la kosta de l'osèano Pasìfego e parte de la rejon sentrałe de l'atuałe teritòrio de Nikaragua el zera sta koncuistà da ła Spagna inte el XVI sèkoło, andove ke ła zera stada stabiłia la provincia de Nikaragua, ke el partegneva al Inpero spagnoło (1502-1821), dopo al Primo Inpero Mesegan (1821-1823), a le Provincie Unie del Sentro de Amèrika (1823-1824), e a la Repùblega Federałe de Sentroamèrika (1824-1838). El emersiona kofà stato indipendente inte el 1838, soto el nome de «Stato de Nikaragua»^[17] e el taca vegner ciamà Repùblega de Nikaragua dal 1854.^[18]

Respeto a la integrasion teritòriałe de la denomenada Kosta de Mosquitos (la antiga provincia de Taguzgalpa) inte la Repùblega de Nikaragua, inte el 1860 el zera sta firmà el Tratà de Managua intrà Nikaragua e el Regno Unio de Gran Bretagna e Irlanda, par el kuało st'ùltemo el ghea renuncià al so protetorà miskito e el ghea rekonosesto la sovranità del Nikaragua e Nikaragua el ghea rekonosesto i deriti de autonomia dei miskiti, fazendo nàsar la Reserva Moskitia. Un ano dopo de gaver firmà el Tratà de Managua, a Bluefields i se ghea reunio 51 Wite (sìndaghi) e i ghea aprovà la Kostitusion de la Reserva, ispirada dal kónsołe britànego e ke ła stabilia in magnera zenerałe ła leje inglezi. La sovranità de Nikaragua ła zera sta in realtà na formałità, finmente ke inte el 1894 la Moskitia ła zera sta reinkorporada ufisalmente e konkretamente inte el Nikaragua durante del goerno de José Santos Zelaya, par man de Rigoberto Kabezas, ke el ghe ghea tokà far fronte a un'intento da parte dei britàneghi de restabiłir ła so domenasion, intrà el lujo e agosto de l'isteso ano. Mediante el Tratà Altamirano-Harrison del 19 de apriłe del 1905, Gran Bretagna ła ghea rekonosesto ła sovranità asołuta de Nikaragua inte l'aministrasion de ła kosta dei Moskitos.

Nikaragua ła ze un paeze volkànego e tropegałe, inte el so interior i alberga anka do grandi laghi: el Xolotlán e el Cocibolca o "Grando lago de Nicaragua".

Intrà el roversamento de ła ditadura Somocista, par mezo de ła Revołusion Popołare Sandinista el se ghea instaurà na Zonta de Goerno de Rekostrusion Nasionałe (1979-1985) constituia cofà zonta de goerno tranzitòria inkargada del podere ezekutivo e un Konsejo de Stato incargà del podere lejislativo ko ła partisipasion de reprezentanti dei kontesti pułìteghi, sociałi, komunałi e rełijozi.

Inte el 1984 łe ze stae fate le prime ełesion popołari konformi a ła nova leje ełetorałe. La Zonta de Goerno de Rekostrusion Nasionałe ła ghea dazesto el podere al novo presidente ełezesto: Daniel Ortega Saavedra. Kusita, la Zonta tranzitòria ła zera kascada in desołusion.

Durante del goerno del Fronte Sandinista de Libarasion Nasionałe (FSLN) el paeze el ghea sorbio un grando konflito siviłe fomentà da l'intervento dei Stati Unii soto de la aministrasion del presidente amerikan Ronald Reagan, el goerno statunitense par mezo de la CIA, el ghea formà e adestrà in segreto grupi de rebełi antikomunisti konosesti kofà Contras, finansiando na guera che el Kongreso american no el ghea autorizà, rivando a blokar ekonomegamente el Nikaragua. La Union Soviètega e paezi kofà Kuba, Fransa^[19] e Lìbia i zera intervegnesti inte el konflito a traerso de ła kooperasion miłitare, ekonòmega, finansiària e mèdega. Sto konflito el ghea motivà la dimanda del goerno Sadinista kontro el goerno de Stati Unii inte la Korte Internasionałe de Zustìsia de L'Aia, inte el konosesto kaso Nikaragua VS. Stati Unii, ła kuała ła ghea sentensià in favor del Nikaragua, deklarando iłegałi łe asion statunitensi e obligando i Stati Unii a indenizar la Repùblega de Nikaragua^[20], dèbito ke dopo el zera sta perdonà al goerno de Stati Unii dal goerno nikaraguense soto de ła presidensa de Violeta Barrios de Chamorro.^[21]^[22]

I konfliti ekonòmichi e de guera i ghea kulmenà dopo de le ełesion popołari del 25 de febraro del 1990, ko ke Violeta Chamorro ła ghea roversà el goerno de Daniel Ortega kol 54.7% dei voti kontro i 40.8 % dei Sandinisti.^[23]^[24]

Drio keło ke dize el IDH, a partir da l'ano 1995, Nikaragua el ga mejorà el so liveło de vita.^[25] e inte el 2017, el ìndeze de Divàrio Globałe de Zènare del Foro Econòmego Mondiałe, el deklara che el Nicaragua el ze el paeze ko mejo eguałità de zènaro de l'Amèrica Latina.^[26]

Zeografia

El ga na superficie de (129 494 km²).
Ła xe ła prima nasion de ł'Amerika sentrałe a łiveło teritoriałe.

Drento el so teritorio se kata el pì inportante bacin idrografico de ł'Amerika sentrałe, komposto: da el Lago Nikaragua^[27], e da el Lago Managua.

Organizasion teritoriałe

El Nikaragua ła ze na repùblega presidensiałe e ła se sudivide in 15 departementi e 2 rejon autònome: i departementi i ga solké un karàtaro meramente aministrativo, no łe ga autorità pròpie o delegae sul poder sentrałe. I departementi i se sudivide oncor-pì in munisipi derizesti da un sìndiko e un konsejo munisipałe.^[28]

El 30 de otobre del 1987 dal vècio departemento de Zelaya e ła Rejon autònoma de ła Costa Caribe Norte y Sur, łe se ga formà łe do rejon autònome ke dal 2014 łe ciapa el nome de Kosta Karibe Norte e de Kosta Karibe Sud, derizeste da un goernadore rejonałe e un konsejo rejonałe. Ste rejon łe ze bazegamnte popołae da popołasion indìzane e el so goerno komunitàrio el se tien sù so norme pròpie de sta kultura.

Divizion teritoriałe de Nicaragua

Boaco

Carazo

Chinandega

Chontales

Costa Caribe Norte

Costa Caribe Sur

Estelí

Granada

Jinotega

León

Madriz

Managua

Masaya

Matagalpa

Nueva Segovia

Río San Juan

Rivas

Honduras

Costa Rica

Departemento

ISO:NI^[29]

Capitałe

Popołasion (2020)

Superfise (km²)

Densità

Nicaragua

Zeografia

Organizasion teritoriałe

Demografia

Gałeria de someje

Notasion

Altri projeti

Łinganbi forèsti