Otorinołaringołoxia

Rama de ła medexina che ła se òcupa de ła prevension, diàgnoxe e terapia mèdega e chirùrxega de łe patołoxie del distreto testa-coło
AtensionŁe infomasion riportae no łe xe conseji mèdeghi e i podaria no èsar ben curai. I contegnui i ga soło el fin iłustrativo e no i sostituise el parere mèdego.


Ła otorinołaringołoxia o anca ciamada otorinołaringoiatria ła xe ła rama de ła medexina che ła se òcupa de ła prevension, diàgnoxe e terapia mèdega e chirùrxega de łe patołoxie del distreto testa-coło, o sia de ła récia (udito e ecuiłìbrio), del naxo (respirasion e apnee del sono) e de ła garganta (voxe e deglutision), tra sti cuà anca, par exenpio, el tratamento chirùrxego de ła tiròide e paratiròidi, noché cheło mèdego e chirùrxego de łe tonsiłe, de ła baxe del cragno, de ła boca, łèngoa, ghiàndołe sałivari, tumori del distreto servicałe, e del muxo, eçe.

Otorinołaringołoxia
Prategà daotorinołaringoiatra
MeSHD010036

Siben che łe difarenti parti łe posa parer poco corełae, xe comun che łe sìpia infete conxuntamente da on isteso proçeso patołòxego, che el sìpia eło infetivo, tumorałe, traumàtego o de altra nadura, e par sta raxon łe vien tratae da on speçałista ùnxoło, co el tìtoło de Mèdego-Chirurgo Otorinołaringoiatra. E xe par sta motivasion che l'otorinołaringoiatra el trata anca ła patołoxia del nervo faciałe, che el ségue on decorso anatòmego pròpio inte łe rejon prima nomenae.

L'otorinołaringoiatra el xe de conseguensa el mèdego e chirurgo de rifarimento par interventi che i revarda no sol che ła trìade anatòmega de récia, naxo e łarinxe, ma anca del distreto sèrvego-faciałe e del baxicragno in xenerałe. El tèrmano el devien diretamente dal grego ὠτορινολαρυγγολογία che signìfega stùdio de récia, naxo e łarinxe.

Controło de autoritàLCCN (ENsh85096050 · GND (DE4023088-0 · BNF (FRcb11935522c (data) · NDL (ENJA00574631


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Otorinołaringołoxia&oldid=1100424"