Pałaso Barbarigo Nani Mocenigo
Pałaso Barbarigo Nani Mocenigo xe un pałaso de Venesia situà inte el sestièr de Dorsoduro, longo ła fondamenta Nani su'l rio de San Trovaso, 'rente el canpo omonemo.
.jpg)
Storia
canbiaEl pałaso risałe al Quatrosento, rexidensa de ła famegia Barbarigo. Da Elena Barbarigo, so fìa del doxe Agostino, ghe xe pasà par redità a ła famegia Nani, dove sol scominsio del XIX secoło gà confluìo un ramo de ła famegia Mocenigo. Ai disendenti dei Nani Mocenigo, Bentivoglio d'Aragona, apartien oncora ancùo parte de ła dimora. Inte el Novesento el xe stà conprà da l'Università de Ca'Foscari che ghe n'a fato sede del Dipartimento di Italianistica, co biblioteca xontàda, fìn al 2007 ano inte el cuało el pałaso xe stà dà in concesion, in seguito al corpamento inte el Pałaso Malcanton Marcorà del pòło umanistico de ła Facoltà de Łetare e Fiłoxofia.
Descrision
canbiaEl Pałaso xe un parfeto exenpio de edificio in stìl gotico venesian tre-quatrosentesco, segondo na inpostasion che gà el so pico in Ca' Bernardo. Ła fasàda, so tre livèłi co mexadìn, al pian tèra se verxe traverso do portałi gotici, uno sentràl e uno, più menùo, a sànca. I do piani nobiłi gà, sentràe infra do cùbie de monofore ogivałi, do quadrifore soramontàe bałustràe.
So'ła parte drèta del covèrto xe prexente na teràsa, che varda so' San Trovaso e l'area del Canal de ła Zueca.
Bigliografia
canbia- Guida d'Italia – Venezia. 3a ed. Milano, Touring Editore, 2007. ISBN 978-88-365-4347-2.
Voxe łigàe
canbiaAltri progeti
canbia
Wikimedia Commons el detien imàjini o altri file so Pałaso Barbarigo Nani Mocenigo
el detien schemi gràfeghi so
