Pałaso Mocenigo (Zueca)
'Pałaso Mocenigo xe na architetura de Venesia, logàda inte el sestièr de Dorsoduro, a ła Zuèca, a sànca un puòco più in là de ła cexa de łe Zitełe, e afasàda su'l Canal de ła Zuèca.
Storia
canbiaSto pałaso zera na dimora "de canpagna" de ła famegia Mocenigo, fabricà inte el XVI secoło, quando ła Zuèca xera un logo indove poderse reposàr in vacansa: infati par ch'el doxe Alvise Mocenigo pasase l'istà in sto pałaso.
Intra el XVII e el XIXsecoło el pałaso xe stà rimanixà, perdendo un mucio de ełementi carateristici e rivando ad aver l'aspeto che ga al dì d'ancùo. Ancùo, modifegà in modo pexòco inte i so interni, xe sede de nùmaroxi mini-partaménti.
Descrision
canbia
Pałaso Mocenigo xe un edificio de do piani, co na fasàda sviłupàda in longhésa: ła so superficie xe a bugnato in pièra d'Istria.
El primo piàn xe verto da na serie de fenestre picenine quadrangołari, indove che al çentro se trova el portàl, cèo e descónso (tanto rimanixà rispèto a queło orixinàl, oncora intriégo inte el XVIII secoło, come che xe stà testimonià da na incixion de Coronnelli).
In poxision squaxi çentral, su'i còpi, ghe xe un liminàl otoçentesco, che stona cołe łigne de ła fasàda su'l canàl.
Ła fasàda sud xe ben conservàda e se afasa su'l xardìn privà del pałaso, testimoniansa de l'antigo aseto de łe pałasine che inte el XVI secoło i nobiłi venesiani se faseva costruìr: infati ła Zuèca xera area de xardìni e loghi dove ritirarse par el repòso e el studio.
Bibliografia
canbia- Marcello Brusegan, I palazzi di Venezia, Newton Compton 2007, p. 242-3.
Altri progeti
canbia
Wikimedia Commons el detien imàjini o altri file so Pałaso Mocenigo
el detien schemi gràfeghi so
