Parco Querini



Parco Querini el xe uno dei prinsipai pulmuni virdi de ła sità de Vicensa. Situà in tel sentro storego, el xe caraterixà da łarghe estension de pra, dełimità da on łargo boscheto de piante e el ga on'estension de 121.251 metri cuadrati.

Infobox de InfrastruturaParco Querini
Someja
Dati
SorteParco Cànbia el vałor in Wikidata
Caraterìsteghe
Àrea121 251 m² Cànbia el vałor in Wikidata
Pozision
Rejon aministrativa Vicensa (Itàlia) Cànbia el vałor in Wikidata
PozisionViale Rodolfi / Viale Rumor Cànbia el vałor in Wikidata

Map

45°33′13″N 11°32′51″E / 45.553611°N 11.5475°E45.553611; 11.5475Coordinae: 45°33′13″N 11°32′51″E / 45.553611°N 11.5475°E45.553611; 11.5475

Eror Lua: callParserFunction: function " [[Categoria" was not found.


















































Parco Querini: el tenpieto monoptero su l'ixoła
File:Parco Querini co la neve.jpg
Vedua del parco co ła neve (xenaro 2009).

Descrision canbia

Parco Querini el xe cołocà in tel setor nord-orientałe del sentro storego, circondà da do łati da łe sponde del Bacajon e dal so afluente Asticheło, e par el terso łato da łe maxiere venesiane, drio el prexente vial Rodolfi. Da de drio de pałaso Querini parte on maestoxo vial alberà, che łe fianchejà da statue de sojeto clasego, pasa łongitudina el parco, fin a rivar al stagno che sirconda l'ixołoto (sensa endrada al publego seben che ghe xe on ponteseło), sormontà da on tenpieto.

El tenpieto monoptero, costuio in stiłe cłasego da Antonio Piovene in tel 1820, presenta cołone ioneghe pa tener su ła cupoła. Ai pie del tenpieto resenti łauri de restruturasion i ga meso in łuxe na antiga jasara (non entradiłe parchè oncora ingonbrà da detriti al'interno), che venia doprà pa conservare el jaso che se formava al'interno del stagno, par rinfrescar el cibo e bevande inte ła beła stajon. De drio el stagno, dal łato cotrario del parco rispeto a pałaso Querini, xe cołocà sère, oxelière e l'abside de ła cexa de Santa Maria de Araceli.

Se va rento pa cuatro entrade: endrada "Rodolfi", da na resente pasarea pedonałe cołegà diretamente co l'ospedałe, l'entrada Araceli, e da na picoła entrada "Porta Papa". Ł'orixinaria entrada da pałaso Querini (che contien ła sede de ła provincia de Vicensa), xe sarà, cosita come el primo trato de viał risciando l'interità storega del parco e, in parte, ła stabiłità vixiva.

El parco el xe meta jornałiera de jente de tute łe età e dei praticanti de jogging e de sport in xenere (drio el perimetro xe istałà on percorso vita). De istà vien fato manifestasion sportive e muxicai. Oltre che de specie vegetai, el xe sioro de fauna selvadega e domestega (conèji, arne e cołunbi).

Storia canbia

XVI secoło canbia

 
Borgo Pusterla inte ła Pianta Angelica del 1580
 
Ł'entrada orixinałe, deso sarà

El parco el ciapa nome dal pałaso visin - in contà San Marco - na residensa nobiłiare de ła fameja Capra, dopo conprà da ła fameja Querini.

In tei Libri d'Estimo del 1563-64 se lexe che Antonio Capra posedea na casa casa da villa da due canpi circa una pezza de terra arativa et parte prativa et arativa …. . Questo se vede inte ła "Pianta Angełica" del 1580 dove inte sto posto xe desegnà piantagion de morari, doprà inte sto pariodo pa l'ałevamento dei bachi de seda e de na costusion ciamà chiodare[1], che vegnea fabricà i ciodi, o mejo pòlixi doprà pa stendere i pani che venea fołà inte l'acua de l'Asticheło.

XIX secoło canbia

Ła situasion non ła ga ciapà sostansiai canbiamiti e el tereno el xe resta prevałentemente agricoło fin al prinsipio del XVIII secolo: inte ła "Mappa d'Aviso" del comun de Vicensa (1810) se riferise inte el posto dei Capra che ghe jera prati piantà e vignà, prato co caseło a uso di oxełaja, cordicella et orto, prato vaccino, boschetto co viali e piante esotiche … due corti co pozzo.

Dopo ła morte de Silvio Capra, inte el 1811 el fioło Antonio, nodaro e asesore de Vicensa, conprò dal comune l'ex monastero de łe clasise de Aracelie poco dopo, inte el 1813 e inte el 1828 conprò nantra desina de canpi vsin.

Inte ła "Mapa Napoleonica" del 1813 el monastero xe spario e al so posto xe indicà on broło, on jardin, de łe sère, segnałe del fato chel novo paron intendea słargare el jardin e el parco. Inte ła "Carta di Vicenza del Crivellari" del 1821 se vede on łungo viałe che porta a na cołineta sircołare sovrastà da on tenpieto tondo e sircondà de acua, che dopo va inte on canałe che el scarica a sud del Bacajon, fora del muro de recinto[2].

Dopo ła morte de Antonio ła proprietà xe pasà ai fradei e parenti e in tel 1860 xe sta conprà da Ermengarda Amelia Dalle Ore, dopo cedù in eredità ad Amelia Grimaldi e Giulia Rezzara.

XX secoło canbia

Intel 1953 ste siore łe gà proposto on projeto de costusion intel posto che el xe sta sbocià da ła Soprintendenza dei Beni Anbientali. Dopo l'aprovasion del Piano Regołatore xenerałe, el comun el ga anuncià che el posto fose destinà na parte par verde pubłego e nantra par xona de rispeto inlimità.

Intel 1962 el comun el ga acetà na proposta da łe parone, che prevedea ła donasion de metà del posto ma l'altra parte che ła venja edifegà. Sta proposta ła xe sta sbocià dal Ministero dei Łauri Publeghi, che dopo el ga aprovà na variante del piano comunałe. Inte el 1969 xe sta esproprià 9,5 etari e du ani dopo verti al publego come parco sitadin.

In tel che periodo ła xona ła jera inte on stato de abandono cuasi totałe, co piante małà, vegetasion infestà , statue abatuè e el tenpieto co ła cupoła in parte scuarcià[3].

XXI secoło canbia

In tel xenaro 2010 xe sta inaugurà inte na parte del parco visin al'entrada Rodolfi "Parco del sciense", sete atrasion ludico-didatiche (l'albaro de łe vixioni, el triangoło inposibiłe, i tubi comunicativi, l'organo de Pan, ła bateria a man, el całeidogiro e le carucołe), pensà pa tuxi dai 6 ai 14 ani, pa ła conprension dei fenomeni fixighi, come ła riflesion de łuxe, łe vibraxion, ła frecuensa dei suni e łe iłuxion otiche.

Parco Querini xe diventà on sinboło de l'ałuvion che ga colpio Vicensa in tel novenbre 2010. Ła presion de l'acua (che ga ristagnà pa dì trasformando el parco inte on grando stagno) ga danegià łe recinsion, el muro torno, tanti albari, la peschiera, i servisi igenici, el fondo dei viałeti, pa on dano total de 300 000 euro. El 2 de febraro 2011 ła parte verde ła xe sta riconsegnà a ła sità, dopo on łongo łaoro de manutension. cualche mese drio xe sta novamente agìbiłe ła parte del boscheto e l'entrada Araceli (che xera sta danegià dal croło de ła cancełada).

I primi dì de majo 2011 el parco xe sta abełio de 19 sentarine.

Notasion canbia

  1. Da cui il nome di "contrà Chioare", la stradina a ovest del Parco
  2. Barbieri, 2001, op. cit., pp. 12-14 .
  3. Barbieri, 2001, op. cit., pp. 11-12 .

Bibliografia canbia

  • Franco Barbieri, Romana Caoduro, Il Parco Querini, Vicenza, Ed. Amici dei Parchi di Vicenza, 2001.
  • Mario Luis Agostinelli, Sergio Daniel Stocco, Parco Querini, Vicenza: progetto di conservazione, Milano, Politecnico, 1994-1993.

Altri projeti canbia


Linganbi foresti canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Parco_Querini&oldid=1148580"