Partito Sociałista Unitario

Col nome de Partio Sociałista Unitario (PSU) a se xe identificai tre diversi partii połiteghi, tuti de ispirasion socialdemocratica.

Partio Sociałista Unitario (1922-1930)

Storia del Partio

Fondà inte el 1922 da ł'ała riformista, guidà da Filippo Turati e da Giacomo Matteotti, espulsa el 1° de otobre dal Partio Sociałista Itałian (PSI), el partio el xe sta uno dei promotori de ł'Aventin contro ło strapodere fasista inte ła Camara dei deputati.

Sopresso dal rexime fasista inte el novenbre 1925, el xe sta ricostituìo clandestinamente come Partio Sociałista dei Łavoradori Itałiani (PSLI). Inte el 1927 el ga ciapà ła denominasion de Partio Sociałista Unitario dei Łavoradori Itałiani (PSULI). Inte el lujo 1930 el se ga riunificà col PSI.

Segretari

Giacomo Matteotti (1922-1924)

Połiteghi e iscriti

Filippo Turati, Giacomo Matteotti, Claudio Treves, Camillo Prampolini, Oddino Morgari

Partio Sociałista Unitario (1949-1951)

El partio el xe sta fondà inte el diçenbre 1949, da ła confluensa de ła corente autonomista del Partio Sociałista Itałian (PSI), guidà da Giuseppe Romita, che precedentemente el se gera costituìa in Movimento Sociałista Autonomista, e de ła corente de sanca del Partio Sociałista dei Łavoradori Itałiani (PSLI), rapresentada da Giuseppe Faravelli, Ugo Guido Mondolfo, Mario Zagari.

El 1º de majo 1951, da ła fuxion del PSLI e del PSU, a se ga costituìo el Partio Sociałista - Sesion Itałiana de ł'Internasionałe Sociałista (PS-SIIS), che el 7 de genaro 1952 el ga ciapà ła denominasion de Partio Sociałista Democratego Itałian (PSDI).

Partio Sociałista Unitario (1969-1971)

Denominasion ciapà del Partio Sociałista Democratego Itałian (PSDI) dal 1969 al 1971.