Pióva
Ła pióva ła xe ła fórma pi comùn de precipitasion atmosfèrega e ła se fórma co che jose separae de aqua łe va xó al sóło da łe nùvołe. Na scianta de ła pióva che ła casca da łe nùvołe no ła xe bona a rivar a ła superfise e evàora 'ntel'àrie co che ła casca, spesialmente si ła traversa aria séca (sto tipo de precipitasion ła xe ciamà virga).
![](http://upload.wikimedia.org/wikipedia/commons/thumb/5/5f/22_Regen_ubt.jpeg/190px-22_Regen_ubt.jpeg)
Ła pióva ła xóga un róło inportantìsimo inte el sércio del'aqua, inte el qual el łìqueo chel evàora dai mari el se condensa inte łe nùvołe e el casca de novo a tera, poi tórna indrio inte i mari co łe corénti e i fiumi par ripètare de nóvo el sércio.
Tuta ła pióva che ła casca ła xe mixurada in miłìmetri: na precipitasion de 1 mm ła xe come dir che su na superfisie a caxo ghe xe cascà na quantità de aqua alta dapartuto 1 mm. Ła mixura la xe indipendénte da ła grandesa de ła superfisie considarà.
Proverbi e modi de dir
canbia- Al pjou a sece reverse (al piou tant)
- La pioa da Belun no la bagna gnessun (proverbio de Feltre, par dir che la pioa no la gnen mai da matina)
- na pjoa de stajon la val de pì de un car de oro del paron.
Curjosità
canbia- Se la pjoa la gnen do a gose tanto grosse da parer quasi tenpesta la gnen ciamada frada.
- Se la pjoa co la chei te un foss la fa i stcioss, o sia la fa bole par sora, la ghe un ciama ancora.
- Se durante la pjoa na superficie de croda, jara, cimento o asfalto la "fuma", alora gnen oncora pjoa.
- Na olta par conbater al sech se ndea a tor la pjoa, o sia se fea de le procesion ciamade rogaẑion par dirghe sù oraẑion a San Maoro o a Santa Rosia.
Controło de autorità | LCCN (EN) sh85111188 · GND (DE) 4121570-9 · BNF (FR) cb119408346 (data) · BNE (ES) XX524456 (data) · NDL (EN, JA) 00560161 |
---|