Pianeta terestre
Un pianeta terestre (dizesto anca pianeta rociozo, pianeta rocozo o pianeta tełùrego) el ze un pianeta conponesto par el pì de ròcia e metałi[1]. El tèrmano el deriva diretamente dal nome del nostro pianeta, ła Tera, e el ze sta adotà par denomenar i pianeti del sistema sołare interno contrapozisionàndose a chełi del sistema sołare esterno dizesti ziganti gasozi, che i ze pianeti privai de na superfise sòłida, fati da na conbinasion de idròzeno, èlio e àcua in vàrie conbinasion de gas e lìcuido.
Strutura
canbiaI pianeti terestri i ga senpre ła istesa strutura zenerałe: un nùcleo sentrałe metàłego, par ła major parte de fero, co un manteło de siłicai, e pusibilmente na crosta[2]. Su ła superfise dei pianeti terestri el ze pusìbiłe individuare struture comuni cofà canyon, crateri, montagne e volcani. Inte-ła-fin, i pianeti terestri i ga in posesion atmosfere secondàrie[3] - atmosfere orìzenae da gas libarai par repercusion del volcanismo interno o de sevente a urti co corpi cometari[4], difarentemente dai ziganti gasozi, che i ga in posesion atmosfere primàrie caturae diretamente da ła nebułoza sołare orìzenària[5].
Teoregamente, i ze prevedesti du tipołozie de pianeti terestri, una domenada dai conponesti del siłìcio e l'altra dai conponesti del carbònio. I pianeti del Sistema sołare i fa tuti parte de ła prima clase e solché racuanti asteròidi, łe condriti carbonàcee, i ga ła conpozision de ła seconda categoria[6]. Drio łe ipòteze de Marc Kuchner e ła so ecuipa, i pianeti de carbònio i se podaria formar da un disco protoplanetàrio rico de sto ełemento o poareto de osìzeno. Da torno de un nùcleo de fero, se formaria un manteło de carburi e probabilmente grafite, drento el cuało, se łe condision de presion łe vegnese respetae, łe podaria formarse un strato rico de diamanti[7], podendo devegner sircondà da un'atmosfera secondària, rica de conponesti del carbònio[8].
Notasion
canbia- ↑ (EN) Bill Arnett, An Overview of the Solar System, in The Nine Planets, 1998. entrada il 30 de setenbre 2009.
- ↑ James W. Head III, op. cit. , 1999.
- ↑ (EN) Robert O. Pepin, On the Isotopic Composition of Primordial Xenon in Terrestrial Planet Atmospheres, in Space Science Reviews, vol. 92, 2000, pp. 371-395, DOI:10.1023/A:1005236405730. entrada il 30 de setenbre 2009.
- ↑ (EN) Julio Angel Fernández, Comet contribution to the atmospheres of the terrestrial planets, in Comets: nature, dynamics, origin, and their cosmogonical relevance, Springer Science & Business, 2005, ISBN 978-1-4020-3490-9. entrada il 30 de setenbre 2009.
- ↑ (EN) Michael Richmond, Terrestrial Bodies in the Solar Systemspiff.rit.edu. entrada il 30 de setenbre 2009.
- ↑ (EN) Villard R., Maran, S.; Kuchner, M. J.; Seager, S., Extrasolar Planets may have Diamond Layers, Aspen Center for Physics, Northwestern University, 2005. entrada il 1º de otobre 2009.
- ↑ Kuchner, M. J., Foto de ła ipotetica struttura interna de un pianeta de carbonio, Aspen Center for Physics, Northwestern University. entrada il 1º de otobre 2009.
- ↑ (EN) Marc J. Kuchner, Seager, S., Extrasolar Carbon Planets (PDF), Modeło:ArXiv. entrada il 1º de otobre 2009.
Altri projeti
canbia
Wikimedia Commons el detien imàjini o altri file so Pianeta terestre
el detien schemi gràfeghi so
Linganbi foresti
canbia- (EN) terrestrial planetEnçiclopedia Britannica, Encyclopædia Britannica, Inc.
