Piasa dei Siuri (Verona)

	Piasa dei Siuri
Epònemo	Scałìzeri
Dati
Sorte	Piasa
Pozision
	Verona
Pozision	piazza dei Signori
	45°26′36.96″N 10°59′53.52″E / 45.4436°N 10.9982°ECoordinae: 45°26′36.96″N 10°59′53.52″E / 45.4436°N 10.9982°E
	; ; ; ; ; ; ;

Piasa dei Siori, conosesta anca cofà Piasa Dante, ła ze na piasa inte el sentro stòrego de Verona, arente de ła piasa de łe Erbe.

La piasa ła ze nasesta inte el Medioevo dal sviłupo dei pałasi scałìzeri, e ła ciapa fin dal prinsìpio funsion pułìteghe, aministrative e de raprezentansa. Ła piasa ła ze incuadrada da racuanti edifegai monumentałi, ligai intrà de lori da arcae e loje.

Edifegai inte ła piasa canbia

Pałaso de ła Razon canbia

Par savèrghene de pì, vardarse ła voxe Pałaso de ła Razon (Verona).

El Pałaso de ła Razon el ze sta costruio inte ła fin del XII secolo e ła fasada ła zera stada in parte modifegada inte el XIX secolo. A ła so drita s połe pasar gràsie a un arco al Marcà Vècio. Antigamente el gaveva cuatro tori, de ła cuała ła pì inportante ła ze l'inponente Tore dei Lanberti. Da notar ła ze anca ła ełegante Scała de ła Razon, costruia in marmo roso veronezo.

Pałaso de Cansignorio canbia

Par savèrghene de pì, vardarse ła voxe pałaso de Cansignorio.

In parte al pałaso del Comun, gh'è el Pałaso de Cansignorio, sede del poder pułìtego scałìzero e venesian, del cuało resta ła orizenałe cołonbara medievałe. Pì nova ła ze el resto de ła fasada, projetada e fata dal Sanmichełi inte el Sincuesento, e ła conosesta porta dei Bonbardieri, del 1687. Soto ghe ze anca na boca andove i sitadini i podea butarghe drento łe denùnsie anòneme contro altri sitadini.

Ceza de Santa Maria Antiga canbia

Par savèrghene de pì, vardarse łe voxe Ceza de Santa Maria Antiga e Arche scałìzere.

In parte del Pałaso de Cansignorio se ghe intravede, meza-sconta, ła Ceza romànega de Santa Maria Antiga, na cezeta picenina amada da ła fameja scałìzera. Inte el portałe ze sta pozisionà anca el sarcòfago de Cangrande I de ła Scała.

Un porteło in fero batuo el reporta inte i guarniminti ornamentałi el sìnboło de la scała, e inte łe arche scałìzere ghe ze i resti de Mastin II de ła Scała e Cansignorio de ła Scała.

Pałaso del Podestà canbia

Par savèrghene de pì, vardarse ła voxe pałaso del Podestà (Verona).

El Pałaso del Podestà el ze arente de ła Ceza de Santa Maria Antiga; costruio dai scałìzeri, el porta caratarìsteghi merli ghibełini. I venesiani, inte el 1404, i gheva verzesto un novo portałe e i ghe gheva zontà sora el leon de San Marco.

Loja del Consejo canbia

Par savèrghene de pì, vardarse ła voxe Loja del Consejo.

La Loja del Consejo, ciamada tradisionalmente Loja de fra' Jocondo ła ze sta fata in parte del Pałaso del Podestà e ła ze stada vołesta dal Comun de Verona, par łe reunion del Pàtrio Consejo. Sol finałe, ła so costrusion ła ze stada rimandada al 1476.

Monumento a Dante canbia

Inte el mezo del XVII secolo ze sta proponesto dal podestà d3 Verona ła costrusion de na fontana, che ła ze stada fata dopo da Pietro Tedesco. Za sol finir del sècoło se gheva desidesto che no ła zera el màsimo par inbełir na piasa de cusita tanta inportansa monumentałe, cusita che ła ze stada terada zo.