Piero Mentasti

Piero Mentasti (Treviglio, 1897 – Venesia, 1958) xe stà un [[połitego |połitego]] [[Itàłia |itałian]].

El ga scuminsià ła so cariera pułitega a Rovigo inte el 1919, inte el Partio Popołare. Inte che l'ano el dirigeva el setimanal dioxesan Il Popolo, da ła tiradura - secondo fonti de ła Prefetura - de sirca domiła copie. Inte ło steso ano el xe sta nominà segretario de ła łocal Union del Lavoro.

Inte el 1921 el xe sta ełeto deputato inte łe łiste del Partio Popołar; intrà el 1921 e el 1925 el ga direto ł'Asociasion dei picołi proprietari e fitavołi e el xe sta segretario nasional dei picołi coltivadori.

Inte el 1925, łasà l'atività sindacałe, el ga verto on studio de contabiłità a Padova.

Inte el 1938 el xe sta inte i Stati Unii de America.

Durante el periodo de ła Rexistensa el ga łaorà al CLN veneto e el xe sta segretario de ła Democrazia Cristiana par l'Alta Italia.

El xe sta ciamà a ła Consulta, in quałità de ex deputato, inte el 1945. Inte ło stesso periodo el ga coerto ła carica de Alto Commissario par l'ałimentasion. Senpre inte el 1945 el ga portà a termine l'operasion Gazzettino consegnando el jornal venesian a ła Democrazia Cristiana che ło ga controłà par sirca quarant'ani.