Taraxacum officinale

El pisacan, radìcio mato, castracan (nome sientifego (Taraxacum officinale [Weber ex Wiggers, 1780]) el ze na pianta a fioro (anzosperma) apartegnente a ła fameja de łe Asteracee. L'epìteto spesìfego, officinale, el ghene segna łe virtù medegamentałi, conoseste fin da l'antighità e sfrutae co ła doparasion de łe so raize e de łe so foje.

Taraxacum officinale

Dati
Fonte de	dandelion leaf (en) , Dandelion Root with Herb (en) e Taraxacum officinale flowering top (en)
Piante
Cołore del fioro	zało
Tipo de fruta	achenio (it)
Tasonomia
Superregno	Eukaryota
Rènjo	Plantae
Órdene	Asterales
Fameja	Asteraceae
Tribù	Cichorieae
Zènare	Taraxacum
Spece	Taraxacum officinale (F.H.Wigg., 1780)
Nomenclatura
Sinònemi	Leontodon taraxacum Taraxacum retroflexum

Inte i vari diałeti de ła łéngua vèneta el połe ciapar altri nomi, cofà bruzaoci inte el vèneto sentrałe, radiceła inte el veronezo, trentin e alto vizentin o supion inte el vèneto setentrionałe

In todesco el se ciama Loewenzahn, in inglese dandelion, in taljàn tarassaco, dente di leone o soffione. El ga de łe fojete coi bordi tuti tajà a formar come dei "denti" a punta (da qua el nome in taljàn e todesco). Ste foje łe vien su tute insieme da ła tera e łe fa de łe rosete. In sima al pecol, da apriłe a otobre, sbocia el fiore tipico zało, che a ła fin el se trasforma in na bala tonda e bianca de pełuki: basta sofiarghe sora e i scapa via tuti (da qua l'altro nome in taljàn).

Morfolozia

El ze na pianta erbàsea e perene, de 10 a 30 cm de altura. El ga na grosa raiza a fiton da ła cuała el se svilupa, a liveło del teren, na rozeta bazałe de foje co de łe ganbete curte e interae.
Łe foje łe ze sénpleghe, oblonghe, lanseołae e lobae, col màrzene dentà e privae de stìpołi.

El fusto, che el se evolve dopo da łe foje, el ze un scao vodo, glabro e latezenozo, portante a l'àpeze na infioresensa zało-dorada, ciamada capołin. El capołin el ze formà da do fiłe de bratèe inmenbranae, curvae verso indrio co ła funsion de càłeze, che i sara drento de lori el risetàcoło, sora del cuało i ga drento un sentenaro de fioreti, diti flóscułi.

Ogni fioro el ze ermafrodito e de forma ligułada, o sia ła coroła ła ga na parte inferiora tubołada da ła cuała se slonga un slongamento nastroforme (lìguła) conponesto dai pètałi. L'andròseo el ze formà da 5 stami co antere saldae a tubo; el zineseo da un ovario ìnfero, bi-carpełare e uniłocułare, ognuno el contien un soło òvuło e coligà, traverso un stiło emerzente dal tubo, a un stima bìfido.

La fioridura ła se ga in primavera par ła majorparte in apriłe-majo ma ła se połe slongar finmente autuno. L'impołinasion ła ze de sòłito entomògama, o sia traverso de inseti pronubi, ma ła połe èsarghe anca gràsie al vento (anemògama). Da ogni fioro se svilupa on achènio, fruto seco indeisente, privà de endosperma e che el ga el tìpego papo: un ciufo de pełi bianchi, che i se ga orizenà dal càłeze modifegà, che, fazendo da paracadute, el juta insieme al vento a ła dispersion de ła samesa, co sta cuà ła se destaca dal capołin.

Łe foje łe ga tanti sałi minerałi e vitamine. El pisacàn el se ciama cusì parchè el ga anca na bona atività diuretica.

In cusina se dopara łe foje tenare de ła primavera, mejo se prima che vegna su i fiori. Se pol magnarle crue in sałata o cote co toketi de łardo o metarle inte el risoto (risi e radici). I buti, prima che se verza i fiori, i se mete via sotaxeo, come i càpari.

Ła bała de pełuki del pisacàn

Tasonomia

Taraxacum officinale Weber ex Wiggers

Sinònemi

• Chondrilla taraxacum (L.) Stokes
• Leontodon taraxacum L.

In altre łéngue

Afrikaans: Perdeblom
العربية: طرخشقون مخزني, تاراكساكوم طبي
azərbaycanca: Dərman zəncirotu, Taraxacum dens-leonis
Boarisch: Zigori, Kuhblume
беларуская: Адуванчык лекавы
български: Глухарче, обикновено глухарче
català: Dent de lleó, Pixallits, Lletissó De Ruc, Xicoia, Llumenetes, Lletsó d'ase, Lletsó de ruc
kaszëbsczi: Mlécz
čeština: pampeliška lékařská, smetanka lékařská
dansk: Almindelig Mælkebøtte, Mælkebøtte
Deutsch: Gewöhnlicher Löwenzahn, Puschelkraut, Hundeblume, Bettseicher, Bettsaier, Maistöckel
dolnoserbski: Mlac
Ελληνικά: Ταράξακος ο φαρμακευτικός; πικραλίδα
emiliàn e rumagnòl: Pisalèt
English: common dandelion
Esperanto: Oficina taraksako, Ofta leontodo
español: diente de león, amargón, radicha, radicheta, panadero, peeta, achicoria, amargón, botón de oro, lechuguilla, pelusilla, taraxacón, achicoria amarga, bulanico, amargón, almirón, pelosilla, corona de fraile, achicoria amarilla, achicoria silvestre, bufas de lobo, chinita de campo, flor de macho, frango, lechiriega, taraxaco y tatusia
eesti: Harilik võilill
euskara: Txikoria-belar
فارسی: قاصدک, گل قاصدک
suomi: Voikukka
Nordfriisk: Böderkrölen
français: Pissenlit, Taraxacum section Ruderalia, Taraxacum dens-leonis
Frysk: Hynsteblom
galego: Mexacán, Dente de león
Avañe'ẽ: Chikória morotĩ
עברית: שינן רפואי, שן הארי
hornjoserbsce: Mlóč
magyar: Gyermekláncfű, pongyola pitypang
հայերեն: խատուտիկ սովորական
Bahasa Indonesia: Tanaman Jombang, Jombang
íslenska: Túnfífill
italiano: taràssaco comune, Taraxacum officinalis, dente di leone, soffione, radice di tarassaco, tarassaco, pisciacane
日本語: セイヨウタンポポ
한국어: 서양민들레
Ripoarisch: Ketteplöck
лакку: Къупан тӀутӀи, Къупан тӏутӏи
Lëtzebuergesch: Bettseechesch, Pissblumm
Limburgs: Pisblóm, Paersjbloom, Kniensvoor, Zoermèlk, Lintblóm, Piesbloom, Paersjblom, Kèttingblóm, Gal, Luusblóm, Kèttekroed, Molsjla, Pisblom, Knijnsvoor
lombard: Sicória, Segórgia
lietuvių: Paprastoji kiaulpienė
latviešu: Ārstniecības pienene, Cūkpiene
македонски: Обично глуварче
മലയാളം: ദുഗ്ധഫേനി
norsk bokmål: Vanlig løvetann, Løvetann
Nedersaksies: Hondebloeme, Hondenbloeme, Hoondebloom, Hondenblomme, Hondepol, Peerdenbloom
नेपाली: टुकी फूल
Nederlands: Gewone Paardenbloem, paardenbloem, Pissebloem, pisbloem, paardebloem
norsk: Vanlig løvetann
polski: Mniszek lekarski, Mniszek pospolity, Dmuchawiec
پنجابی: ددپتر, ڈنڈیلین
پښتو: ژيړگلى
português: Dente-de-leão
Runa Simi: Saqa-saqa, Charanpilli
rumantsch: Flur-portg
română: Păpădie
русский: Одуванчик лекарственный, Одуванчик обыкновенный, Одуванчик аптечный
саха тыла: Ньээм от
Scots: Dentylion, Dandillie
slovenčina: púpava lekárska
slovenščina: navadni regrat
svenska: Maskros
тоҷикӣ: Қоқу
Türkçe: Karahindiba, Kara Hindiba, Radika
українська: Кульбаба лікарська
vèneto: Pisacan, Radìcio mato, Castracan, Supion, Radiceła, Bruzaoci
walon: Såvaedje cécorêye, Såvaedje cécoreye, Salåde des tchamps
isiXhosa: iRwabe lenyoka
中文（简体）: 西洋蒲公英
中文（繁體）: 西洋蒲公英
中文（臺灣）: 西洋蒲公英
中文: 蒲公英, 西洋蒲公英
isiZulu: uMashwababa

Controło de autorità	LCCN (EN) sh98001786