Policy-mix

El policy-mix (o policy mix) xe la conbinasion intra la pułitega monedaria e la pułitega fiscałe. Ste ultime do le inside so la cresita e so l'ocupasion e le xe de solito determinae rispetivamente da la banca sentrałe e dal goerno.

Obietivi

De idea, el policy-mix el garia da mirare a masimixar la cresita e far calar la dixocupasion. In realtà, le banche sentrali e i goerni i ga na vixion de difarenti periodi de tenpo: le prime de longo periodo e i goerni de curto periodo, dato che i ga da rispondarghene ai eletori, e tra l'altro, tuti e dò i podaria ver difarenti obietivi.

La pulitega monedaria l'é fata da la banca sentrale, che co el controlo del tas de intares e de l'oferta de moneda, la ga el fin de evitar l'inflasion. El goerno selie el livel de tasasion e ridistribusion, de determinar i investimenti publisi e de la spexa publega.

Le asion indipendenti del goerno e chele de la banca sentrale le podaria tradurse inte on mix de puliteghe no coordinae, in cuanto le forse fiscali e monedarie le tenta de spenxare l'economia in diresion oposte. Sta indipendensa l'è bona, parché inpedise na sola autorità de ripagar el deficit stanpando altra moneda, che inte el lungo periodo la podaria provocar na gravosa iperinflasion.