Logo de artegołasion

In fonètega artegołatòria, el logo de artegołasion o ponto de artegołasion el xe uno dei paràmatri he i parmete de clasifegar i soni del lenguajo (foni), e pì presixamente łe consonanti. Eło el descrive cuali òrgani de l'aparato fonatòrio i interajise par produre on sono (fonasion) (làvari, denti, łéngua, cuałe ponto del pałà, ła farinxe o la glòtide).

Descrision

Sto cuà el xe uno dei paràmatri in baxe al cuałe łe njien definie łe consonanti: che l'altro, el modo de artegołasion, el stabiłise in cuała manjiera sti organi i se organixa inte ła boca par ła produsion del sono. On ùltemo paràmatro par ła clasifegasion de łe consonanti el xe cheło de ła ativasion o no de łe corde vocałi, paràmatro che el stabiłise se el fono el sarà rispetivamente sonoro o sordo.

Par ogni logo de artegołasion ghe połe èsar pì modi de artegołasion difarenti, saria dir pì consonanti omorgàneghe. Par exenpio, i soni [d]

e 

[n]

i xe anbedó, dal ponto de vista del logo de artegołasion, de łe alveołari, ma revardo al modo de artegołasion 

[d]

el xe na ocluxiva e 

[n]

na naxałe.

Sto paràmatro, cofà cheło del modo de artegołasion, no el xe bon par łe vocałi, parché łe vocałi, inte ła so produsion, no ghe njien metesto nisun ostàcoło a ła vegnesta fora de l'ària e łe se clasìfega solché in baxe a ła poxision de ła łéngua inte ła boca.

Inte el ànbito de łe consonanti, dal ponto de vista del logo de artegołasion łe se destìngue:

• consonanti biłabiali
• consonanti labiodentałi
• consonanti dentałi, alveołari e postalveołari
• consonanti retroflese
• consonanti pałatałi
• consonanti vełari
• consonanti uvułari
• consonanti faringałi
• consonanti glotidałi

Altri projeti

Altri progetti

• Wikimedia Commons

• Wikimedia Commons el detien imàjini o altri file so Logo de artegołasion

Linganbi foresti

• Interactive places and manners of articulation Archivià il 20 de disenbre 2007 in Internet Archive.