Software

El software in informàtega el ze l'informasion o łe informasion doparàe da uno o pì sistemi informàteghi e memorizàe sora de uno o pì suporti informàteghi. 'Ste informasion łe pol èsar raprezentàe da uno o pì programi, da uno o pì dati, opur da na conbinasion de łe do.

LibreOffice, un software łìbaro de scritura

Storia

El tèrmene software el ga orìzene inte ła seconda guera mondiałe. I tècneghi de l'ezèrsito ingreze i jera inpenjài inte ła decritasion de i còdezi todeschi de Enigma, che de cueła za i conoseva ła mecànega interna (ciamà hardware, componente dura, inte el senso de feraso) grasie a i servisi segreti połachi. Ła prima varsion de Enigma ła desfrutava tri rotori par misiar łe łétare.

Dopo el 1941, a Enigma A ghe ze stà zontà un rotor, e el grupo de cripto-anałisti ingrezi, capitanài da Alan Turing, el ga dovesto intaresarse mìa pì de ła só strutura fìzega, ma de łe pozision ndove che A venjeva doparài i rotori de ła nova Enigma.

Sicome che 'ste istrusion łe jera scriveste so pàjine sołùbiłi inte l'acua (par poder èsar pì fasilmente destrute, evitando cusì che łe cascase in man nemiga) łe ze stà ciamàe software (conponente ténara), in contrapozision a l'hardware.

Descrision

Clasifegasion

Da'l ponto de vista zeràrchego i software i pol èsar devizi in cuatro categorìe prinsipałi:

• firmware;
• software de baze (che a só volta el se devide in sistemi operativi, conpiładori e intèrpreti, łibrarìe);
• driver;
• programi aplegadivi.

Varda anca

• Gnuplot
• Guitar Pro
• LibreOffice
• PDFCreator
• Pup
• RAR
• Sviłupator