Projeto:Tełevixion/Convension

Sta pajina ła definise i criteri da seguir par łe voxe rivardanti ła tełevixion.

Reti TV

Criteri de ensiclopedisità

Xe ensiclopedisi tuti i canałi che i ga na difuxion internasionałe o statałe che i trasmeta na programasion no conposta in prevałensa da reclan.

Łe reti tełevixive locałi łe xe ensiclopedeghe se łe xe ative da almanco diexe ani e se no łe trasmete in prevałensa reclan.

Programi e Fiction

Criteri de ensiclopedisità

Programi

Xe considerai ensiclopedisi i programi (varietà, talk-show, sportivi, quiz, reality show, tełexornałi), trasmesi so canałi ensiclopedisi, che i ga otegnuo riconosimenti o un gran suceso de publico.

Ogni edision locałe de un format tełevixivo ła vien considerà come un programa a se, donca, se el programa el rispeta i criteri scriti sora, ła ga da 'ver na pajina dedicà.

I programi che no xe gnancora ndati in onda no i xe ensiclopedisi.

Fiction

Xe considerae ensiclopedeghe łe voxe rełative a fiction tełevixive (senegiai, film TV, miniserie, serie TV, soap, tełenovełe, cartoni), trasmese so canałi ensiclopedisi, che łe ga otegnuo riconosimenti o un gran suceso de publico.

No xe considerai ensiclopedisi i singołi epixodi o puntate. Xe invese considerae ensiclopedeghe łe voxe rełative a łe singołe stagion.

Łe fiction che no łe xe gnancora ndae in onda no łe xe ensiclopedeghe.

Strutura de łe voxe

Titołi de łe voxe

Cuando che'l programa no'l ga un titoło veneto (overo scuaxi senpre) se ga da uxar el titoło orixenałe, che oviamente esendo inte na lengua foresta el va meso in graseto e corsivo. Inte ła voxe va po riportai i vari nomi del programa inte łe varie xone venetofone.

Biografie

Criteri de ensiclopedisità

Xe ensiclopedeghe łe voxe biografeghe de personaji del spetacoło che i ga risevuo un riconosimento inportante o almanco na nomination a uno de sti premi.

Strutura de łe voxe

Tełevixion