Armada Rosa

Armada Rosa
	; (1919)
Epònemo	red (en)
Dati
Nome scursà	РККА
Sorte	ezèrsito
Istòria
El renpiasa a	Guardie Rosse (it)
Creasion	23 de febraro del 1918
Fondador	Iosif Stalin, Nikolaj Il'ič Podvojskij (it) e Lenin
Desołusion	25 de febraro del 1946
Governo d'impresa
Parte de	Soviet Russia Armed Forces (en) ; Forze armate sovietiche (it)

L' Armada Rosa o Ezèrsito Roso (ufisalmente Armada Rosa dei Oparari e dei Contadini (in ruso : Рабоче-крестьянская Красная армия ^?, Raboče-krest'janskaja Krasnaja armija in acrònemo RKKA e de frecuente oncor pì scursà in Красная армия: KA)^[1] ła ze sta el nome dato a łe forse armae ruse dopo de ła dezintegrasion de łe forse zariste inte el 1917. L'ajetivo “rosa” el fa refarensa al cołore tradisionałe del movimento sociałista e comunista. L'Armada Rosa ła ze sta istituia su decreto del Consejo dei comisari del pòpoło de ła RSFS Rusa inte el 1918 e el zera devegnesto l'ezèrsito de l'Union Soviètega inte el momento de ła fondasion de l'isteso Stato, inte el 1922. Lev Trockiji, comisàrio del pòpoło par ła guera dal 1918 al 1924, el ze considarà el so fondator.

L'Armada Rosa, guidada diretamente sensa tramezi e mediadori da Stalin co ła cołaborasion de vari zenerałi, el ghea portà vanti na funsion decizionałe inte el ndar de ła seconda guera mondiałe, dezemando dopo cuatro ani de viołente e sanguenàrie bataje na granda parte de łe forse de ła Wehrmacht de ła Zermània nazista e sarando vitoriozamente el conflito ruso-todesco co ła concuista de Berlin e Viena. Durante de łe oparasion sul fronte orientałe, el 70-75% de łe vìteme che ła Wehrmacht e łe Waffen-SS łe ghea sorbio inte el ndar de ła guera^[2] (i sovièteghi i ghea avesto pì de 20 milioni de morti conprendesti i siviłi). Inte el so perìodo de màsima espansion de orgànego, inte el 1943, l'Armada Rosa ła contava 10.5 milioni de efetivi intrà ufisałi, sotufisałi e soldai e ła zera ecuipajada co miłiari de cari armai e canoni moderni (gràsie anca al sostegno logìstego dei Liai soratuto inte el ndar dei primi ani de guera); łe pèrdite par rivar a ła vitòria łe zera stae stra alte: 11,2 milioni de soldai morti par càuze de guera inte el perìodo 1941–1945^[3].

Partindo dal febraro del 1946, l'Armada Rosa, co ła Marina soviètega, ła incarnava ła conponente prinsipałe de łe forse armae sovièteghe; ła ghea tolto el nome ufisałe de Armada Soviètega (in ruso : Советская армия ^?, trasliterà: Sovetskaja armija, in sigla SA)^[4], finmente a ła so desołusion inte el disenbre del 1991.

Notasion

↑ Steve, El Ejército Rojo en 1941, in El Ejército Rojo, RBA Coleccionables, 2011, pp. 3, ISBN 978-84-473-7405-2, OCLC 796317452.
↑ Norman Davies, How we didn't win the war [...] but the Russians did, in Sunday Times, 25 novembre 2006.
«Since 75%–80% of all German losses were inflicted on the eastern front it follows that the efforts of the western allies accounted for only 20%–25%».
↑ Glantz e House 2010, op. cit., pp. 430 e 451 .
↑ (EN) Archives in Russia: B-8, ArcheoBiblioBase.