Reeperbahn
Ła Reeperbahn (pron.: /'re:pɐ:Rba:n/) ła xe na conosua via a luxe rose de Anburgo, in Germania, situà in tel cuartiero de St. Pauli, in tel distreto (Bezirk) de Hamburg-Mitte.
Ła via ła se ga sviłupà a partire dai ani sesanta del XX secoło cofà logo de divertimento par i marinari che rivava in tel porto de Anburgo.[1]
Etimołoxia
canbiaEl nome "Reeperbahn" vołe dire letralmente "via dei cordai" e el fa riferimento a on tipo de corda par marinari che ła se fabricava inte ła xona e che in baso-tedesco vien ciamà reep.[1]
Ła via ła xe comunemente soranomenà "Kiez"[1], on termine che el se rifarise a on cuartiero de na sità granda[2], o anca "Die sündige Meile", o sia "el mijo pecaminoxo"[3].
Ubicasion
canbiaŁa Reeperbahn se xe a nord dei St. Pauli-Landungsbrücken, i embarcarderi de St. Pauli e imediatamente a ovest de ła Millerntorplatz e a sud-ovest de el Heiligengeistfeld, ła xona dove par 6 mesi a l'ano ghe xe on luna park in ocaxion del Hamburger Dom e dove che se połe catare anca el Millerntor-Stadion (ex- Wilhelm-Koch-Stadion), el stadio andove che xuga el FC St. Pauli, ła segonda scuadra de bałon de ła sità.[4] Se połe catar davanti a ła Reeperbahn anca ła Spielbudenplatz, ła piasa co el St. Pauli-Theater, e ła Hans-Albers-Platz, ła piasa dedegà a Hans Albers.[4]
Descrision
canbiaInte ła via, che ła xe longa 600 metri[4], no se cata soło sexy shop e locałi andove se fa el snudareło (estriptis), ma anca bar, discoteche e caxinò.
Łe case de apuntamento no łe se cata inte ła Reeperbahn, che xe ła via prinçipałe del cuartiero a luxe rose de Anburgo, ma in na picoła via laterałe, la Herbertstraße, na via sorvejà da ła połisia e che ła xe interdeta a łe done e ai òmani soto i dixdoto ani.[5][6][7]
Sto fato diferensia sostansialmente el cuartiero a luxe rose de Anburgo dal cuartiero a luxe rose de Amsterdam "De Wallen".
N'altra famoxa laterałe de ła Reeperbahn xe ła Große Freiheit (leteralmente: "Granda libartà"), na via dove che se cata dei locałi de mùxega e dove che i gaveva fato i primi pasi, tra i altri, i Beatles (al nr. 36)[5] e Mino Reitano[8][9][10][11].
Note
canbia- ↑ 1,0 1,1 1,2 cfr. Altrogge, Gudrun, Hamburg, ADAC Verlag, München, 2005, p. 70
- ↑ cfr. http://de.wiktionary.org/wiki/Kiez
- ↑ cfr. Reeperbahn.co.uk: General infos Archivià il 19 de majo 2012 in Internet Archive.
- ↑ 4,0 4,1 4,2 cfr. Altrogge, Gudrun, p.72
- ↑ 5,0 5,1 cfr. Altrogge, Gudrun, p.75
- ↑ cfr. Reeperbahn - Sito uficiałe: Herbertstraße Archivià il 27 de setenbre 2010 in Internet Archive.
- ↑ cfr.Garske, Kyra, Herbertstraße – Or forbidden zone for women Archivià il 19 de agosto 2010 in Internet Archive. , in: Spotted by Locals
- ↑ cfr. Biografie Online: Mino Reitano
- ↑ cfr. Anselmi, Eddy, Festival di Sanremo. Almanacco della Canzone Italiana, Panini, Modena, 2009, p. 867
- ↑ cfr. Reitano: " io cantavo con i Beatles ", in: Corriera della Sera , 11 de otobre 1992
- ↑ cfr. Reitano: «Due anni con i Beatles tra rock, würstel e dialetto calabrese», in: Corriera della Sera , 1 de majo 2007
Varda anca
canbiaAltri projeti
canbia
Wikimedia Commons el detien imàjini o altri file so Reeperbahn
el detien schemi gràfeghi so
Linganbi foresti
canbia- (EN) ReeperbahnEnçiclopedia Britannica, Encyclopædia Britannica, Inc.
- (DE) Reeperbahn - Sito uficiałe Archivià il 13 de marso 2012 in Internet Archive.
- (DE) Die Reeperbahn auf einen Blick
- (EN)/(DA)oresti - łéngue|Da]]/(NL)/(SV) Reeperbahn, Your Guide to Reeperbah Archivià il 22 de febraro 2012 in Internet Archive.
- (DE) Reeperbahn su Hamburg.de
- (DE) Geschichte der Reeperbahn Archivià il 23 de zunjo 2008 in Internet Archive.
su Tivoli.de
| Controło de autorità | VIAF (EN) 235502443 · LCCN (EN) sh90003748 · GND (DE) 4094650-2 · WorldCat Identities (EN) 235502443 |
|---|
| Controło de autorità | VIAF (EN) 235502443 · LCCN (EN) sh90003748 · GND (DE) 4094650-2 · WorldCat Identities (EN) 235502443 |
|---|