Referendum par l'independensa de ła Scòsia del 2014
El Referendum par l'independensa de ła Scosia el xe stà tegnùo el 18 de setenbre 2014. Indito dal Goerno Scosexe daspò on concòrdio tra el Primo Ministro Alex Salmond e el Premier inglexe, el referendum el ga dimandà ai ełetori el cuexito:
"Should Scotland be an independent country?" = "Dovaria ła Scosia eser un stato independente?"
El rixultà xe stà par star insieme al Regno Unìo, co 55,3% dei voti vàłidi de NO.
Daspò de no esar riusio a otegner el puxo dei altri partii par indir un referendum sìmiłe durante ła tersa łejislaura del Parlamento Scosexe, el Partio Nasional Scosexe el se ga inpegnà inte el proseguir i negosiai dapò 'ver vinsesto łe elesion del 2011 e ver otegnùo ła majoransa asołuta in parlamento. El 10 de xenaro 2012 el goerno scosexe el ga anuncià l'intension de indir ła consultasion inte el utuno del 2014, on concordio inte sto senso el xe stà firmà el 15 otobre 2012 dal primo ministro del Regno Unìo David Cameron e el primo ministro scosexe Alex Salmond, el cual el fornise un cuadro xuridego par el referendum che se ga tegnùo e i cui temi prinsipai sarà: ła sołidità econòmica de ła Scosia, łe modałità de defexa, el mantenimento dei raporti col Regno Unìo e l'adexion a organixasion soranasionai, cofà Union Eoropea e NATO.
Rixultai
canbia| totałe | persentuałe (%) | ||
|---|---|---|---|
| Ełetori registrai | 4 283 392 | ||
| Votanti | 3 623 344 | 84,59% | (su n° ełetori registrai) |
| Schede bianche e nułe | 3 429 | 0,09% | (su n° votanti) |
| Voti vàłidi | 3 619 915 | 99,91% | (su n° votanti) |
| Voti | % | |
|---|---|---|
 NO |
2 001 926 | 55,3% |
 SI |
1 617 989 | 44,7% |
| Totałe voti | 3 619 915 | 100% |