Verxi el menu prinsipałe

Referendum par l'independensa del Veneto del 2014

El Referendum par l'independensa del Veneto el xe stà òn sondajo online no ofisiałe tegnùo in Veneto tra 'l 16 e 'l 22 marso 2014. Conossùo anca come "plebisito dixitałe" o "plebiscito.eu", el xe stà indito da Plebiscito 2013, n'organisassiòn venetista guidà da Gianluca Busato.

Indice

Cuexiti e rixultai[1]Modìfega

Łe domande łe jera quatro:
1) Vùto che 'l Veneto el diventa na republica federałe, indipandente e sovrana?
2) El Veneto dovarìa tegnér l'Euro come vałuta se 'l diventasse indipandente?
3) El Veneto dovarìa entràr nel'Union Eoropea se 'l diventasse indipandente?
4) El Veneto dovarìa entràr ne ła NATO se 'l diventasse indipandente?

I risultai pà 'l primo cuexito i xe stai:

Cuexito 1 Totałe Persentuałe (%)
Ełetori 3 732 777  
Votanti 2 367 050
Voti vàłidi 2 360 235 63,23% (su n° ełetori)
Voti no vałidi 6 815 0,29% (su n° votanti)
Cuexito 1 Voti %
  SI 2 102 969 89,1%
  NO 257 266 10,9%
Totałe voti 2 360 235 100%

Ła partecipasion (o, mejo dìto, el nùmaro de voti vàłidi) par gli altri tre cuexiti ła xe stà pì bàsa: 22,33%, 24,63% e 19,84% (su n° ełetori).

Cuexito 2 Cuexito 3 Cuexito 4
  SI   464 534 (55,73%)     472 409 (51,37%)     477 312 (64,46%)  
  NO   369 016 (44,27%)     447 189 (48,63%)     263 119 (35,54%)  
Totałe voti 833 550 (100%) 919 598 (100%) 740 431 (100%)

Critiche sòl nùmaro de votanti e sòi rixultaiModìfega

Partecipasion e rixultai i xe stà contesài da pì parti: secondo e statistighe de Alexa Internet, ne ła setimana del referendum el sito gavarìa avùo 135.000 visite (che sarìa soło el 3,6% del nùmaro de ełetori) e de sti 135.000 visite un 10% el vegnarìa da Santiago del Cile [2]

Tutàvia, un sondàjo del 20 e 21 marso condòto da Ilvo Diamanti ("Demos&Pi") par "La Repubblica"[3] dixe che 'l 48% dei Vèneti gavèa xà o 'l gavarìa votà sòl sito del referendum (el 49% no gavèa intensiòn de votar e 'l 3% no 'l gà risposto). De quei che i gavarìa d'aver votà, el 78% vołeva l'independensa. In generałe (sòl nùmaro de ełetori), el 55% dei Veneti jera favorevołe a l'independensa, mentre il 39% 'l jera contràrio. Anca altri istituti de sondàji, tra cùi Ixè[4], l'Istituto Piepoli[5] e Quaeris[6], ga dà rixultai sìmiłi.

plebiscito.eu, da ła sòa, el 29 marso la ga dìto che sarà presto presentà na breve rełasiòn scrita da òn comitato de oservatori internasionałi. Beglar Davit Tavartkiladze, che jera ambassadore georgiano in Itałia e che 'l xe 'l presidente de sto comitato, el ga anticipà che "desso come desso" i controłi fati par vedàr ła corispondensa tra votanti dichiàrai da plebiscito.eu e votanti reałi i dà na "corispondensa al 100% par l'avènuta votasiòn".[7]

Reasiòn e conseguenxeModìfega

L'evènto el xe stà seguìo da pì de qualche media foresto (sopratuto no itałiani). Co na conferensa stampa internasionałe, el 19 marso Luca Zaia, presidente de ła rejon, el ga dìto che anca eo 'l ga votà (sì) e che gavarìa sercà l'independensa "totałe" pà 'l Vèneto.[8]

El 3 de apriłe la rejòn ga domandà, in via ofisiałe, de diventàr a statuto speciałe.[9] A votàr a favore i xe stà quasi tuti (Lega Nord, Forza Italia, Nuovo Centrodestra, Grupo misto, Itałia dei Vałori e Union de Sentro), mancava soło che dò independentisti (de Futuro Popolare, che i se ga astegnùo cò n'altro), uno de ła sanca vèneta (che ga votà contro) e quei del Partito Democratego (che i ga dassà l'aula prima de votare).

El 12 de lujo el consijo rejonałe ga passà na leje che indìxe òn referendum consultivo 'ndoe se domandarà "Vuto che 'l Veneto el diventa na Republica indipandente e sovrana?".[10] Con la publicasiòn de ła leje sòl Bołetìn Ofisiàłe de ła Rejon se rendèva executive dełe vèce risołusiòn che dàva mandato ai presidenti del consijo e de ła giunta rejonałe de contàtar le Istitusiòn de l'UE e de l'ONU par tutełar el Popoło Vèneto e 'l sò dirito de autoderminasiòn.[11] L'8 de agosto el governo itałian ga contestà sta leje insieme co n'altra par un referendum sò l'autonomìa[12] e 'l comento de Zaia xe stà: "No semo eversivi, ma noialtri ndemo vanti ło steso".[13] El 25 de giugno 2015 ła Corte Costitusionałe ła ga bocià el referendum par l'independensa[14], tegnendo in bon parte de queło par 'ver pì autonomìa.[15].

NòteModìfega