Rubus fruticosus

Łe roe o ruse (Rubus fruticosus L.) ła ze na pianta arbustiva caduzefoje de ła fameja de łe Rosacee, orizenària de l'Euràzia. I so fruti i ze ciamai comunemente rovede o more.

Rubus fruticosus

Tasonomia
Superregno	Eukaryota
Regno	Plantae
Órdene	Rosales
Fameja	Rosaceae
Zènare	Rubus
Spece	Rubus fruticosus L., 1753

Descrision

El ze on arbusto spinà che el połe rivar a 2–3 m de altura, ma el połe èsarlo altretanto o anca de pì anca in larghesa, par colpa dei novi gheti che ogni ano i se sviłupa da łe raize.
La fiurdtura ła se prezenta in zunjo. Ła pianta ła ze mełìfera da ła cuała łe ave łe ricava on partegołare miełe monoflora.
I fruti i ze conponesti da tante picenine drupe, de color roso inte łe prime fazi de cresimento e, nero a madurasion conpiesta. I fruti i taca ła madurasion in agosto.

• 
  Foje
• 
  Spine
• 
  Fiore
• 
  Fruto
• 
  Na smanada de fruti

Dòparo in cuzina

I fruti (more), catai a madurasion in istà tarda, łe połe èsar doparai par bone marmełade, che dopo ła cotura, łe ien pasae col filtro par cavarghe łe samese. Ze par de pì inportante da saver che ła parte de sùcaro no łe ga da èsar manco del 30%, onde evitar problemi de botułin (Clostridium botulinum); o sanò le more łe va cozeste inte na farsora andove se gàpia zontà el 30% de sùcaro, on fià de vanilia e mezo gotin de rhum, cozendo finamente che ła marmełada no ła riva a ła densità vołesta.

Dòpari

Ła pianta ła ze doparada anca par dełimitar propietà e poderi, co funsion prinsipalmente difensive, sia par łe tante e robuste spine che łe cuerze łe rame, sia par el grando e tenase intrigo che i forma, fazendo na bariera insorpasàbiłe. Altre funsion de łe sieze de roa łe ze inte ła fioridura de pòłine e nètaro par la produsion del miełe frecuentemente monoflorale, essendo una pianta mellifera, tanto vołesta da łe ave.

Altri projeti

Altri progetti

• Wikimedia Commons
• Wikispecies

• Wikimedia Commons el detien imàjini o altri file so Ruse
• Wikispecies el detien informasion so Ruse
• el detien schemi gràfeghi so