Sagra de i fis-ciòt

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Sagra de i fiŝċiòt


La Sagra de i fis-ciòt la é la pì grosa fiera dela ẑità de Belùn in primavera, dò domeneghe prima de Pasqua, ciamada anca Sagra dei subiòt.

Madòna adolorađa (o dele 7 spade) te la cesa de S.Stefen a Belun

La festa religiosa sarie kuela dela Madòna dei sète dolori, o dele sète spade: ghe n'è la mesa in te la cesa de Sant Stefen e na longa procesiòn 'nde ke se porta in giro a spàla la statua de la Mađona de i sète dolori ke la è cenésta tut l'an te la capèla pìċola rente la cesa. I fedéli, solo quel dì, i pol andàr a tocàr al mantèl da drio de la statua e i dis na preghiera a la Madòna.

Quel dì, dala matina bonora, in piaẑa Campedel ghe ne le bancarèle de la fiera con na mùċia de roba da magnàr, đughi par i bocete, sughèt e traghene varie de artigianato locale.

A dar al nome tipico a sta fiera 'l è al fis-ciòt ke i vende in bancarèle piciole piciole. Sto àrte al costa poc e l è piciol come na ẑiréla; tel met in boca e te lo tien co la lengua, ma no tuti i é boni de farlo fis-ciàr. Se te se bon al fa an fis-cio che someja al cant de 'n oselet.

Co riva sera, par conclusiòn, i fa i foghi de artificio dò sule grave de La Piave che i sluseghéa in siel che imbarlumea tuta la sità, sempre se no piòve.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sagra_de_i_fis-ciòt&oldid=957355"