Sagra de i fis-ciòt
La Sagra de i fis-ciòt la é la pì grosa fiera dela ẑità de Belùn in primavera, dò domeneghe prima de Pasqua, ciamada anca Sagra dei subiòt.
La festa religiosa sarie kuela dela Madòna dei sète dolori, o dele sète spade: ghe n'è la mesa inte la Ceza de Sant Stefen e na longa procesiòn 'nde che se porta in giro a spàla la statua de la Mazona de i sète dolori che la ze cenésta tut l'an te la capèla pìċola rente la cesa. I fedéli, solo quel dì, i pol andàr a tocàr al mantèl da drio de la statua e i dis na preghiera a la Madòna.
Quel dì, dala matina bonora, in piaẑa Campedel ghe ne le bancarèle de la fiera con na mùċia de roba da magnàr, zughi par i bocete, sughèt e traghene varie de artigianato locale.
A dar al nome tipico a sta fiera el ze al fis-ciòt che i vende in bancarèle piciole piciole. Sto àrte al costa poc e l ze piciol come na ẑiréla; tel mete in boca e te lo tien co la lengua, ma no tuti i é boni de farlo fis-ciàr. Se te se bon al fa an fis-cio che someja al cant de un oselet.
Co riva sera, par conclusiòn, i fa i foghi de artificio dò sule grave de La Piave che i sluseghéa in siel che imbarlumea tuta la sità, sempre se no piòve.