Salamandra salamandra
La bissa de la pioa (nome sientifego Salamandra salamandra) la ze an urodelo che fa parte de la fameja Salamandridae.
  | |
| Rezistrasion | |
|---|---|
| |
| Stato de conservasion | |
 | |
| Ris-cio mìnemo | |
| UICN | 59467 |
| Tasonomia | |
| Superregno | Holozoa |
| Regno | Animalia |
| Phylum | Chordata |
| Clase | Amphibia |
| Órdene | Caudata |
| Fameja | Salamandridae |
| Zènare | Salamandra |
| Spece |
Salamandra salamandra |
| Nomenclatura | |
| Protònemo | Lacerta salamandra |
| Distribusion | |
 | |
Descrision
canbiaLa bissa de la pioa se la cognoss facilmente par al so color negro co vistose mace giale.
La bissa de la pioa la donde i 15–20 cm de longhesa total (coda conpresa), e le mastce le ze in genere pì longhe e grosse dei mastci. Le mastce le ze ovovipare, e le fa mudoi inte ricatei, roje o altri cors de aqua ossigenadi polito. I mudoi i ga branchie e quatro sate ben svilupade. I mudoi i se diferensia da altri de urodeli par la presensa de mace ciare a la base de le sate. Inte serte popolasion de montagna de bissa de la pioa, le mastce le ze vivipare e le fà boat conpletamente svilupadi e pronti par la vita terestre.
Abitudini
canbiaI adulti i fà na vita discreta, e i ze de solito ativi solche de not, o durante al tenpo piovoss e umido (da sto tanto gnen al nome "bissa de la pioa"). I abita diversi tipi de bosch, pì che sia de latifoglie missiadi, de fagher e castegner, pì che sia arent cors de aqua.
Ghe n'è poca diferensa intrà mastci e femene. I mastci se i cognoss par la sagoma de solito pì magra, e par an gnoch te el cul, aonde che le celule spermàteghe le ze conservade 'te na strutura ciamada spermateca. La fecondasion la ze interna 'te le femene, che le tira sù la semensa assada su el teren da el mastcio durante el acopiament. I mastci i se cata da dir durante el periodo de el calor (che al canbia secont la posision geografica).
Inte la Europa meridional, la bissa de l apioa la ze ativa pì che sia de otuno e de primavera, e no la se ritira in letargo invernal. In Europa central, invese, la ze ativa in primavera e in istà, e la va in letargo durante i mesi pì fredi.
Distribusion
canbiaLa ga na anpia distribusion in Europa, 'te la fassa magrebina, i Balcani e la Asia Minor.
Sotspecie
canbiaLa specie Salamandra salamandra la ga an numero variàbiłe de sotspecie ricognosseste infin dess: 16 sotspecie, de le quale 13 presenti in Europa. Serte le ze state in seguito descrite come specie separade. In Italia la ze representada da S. salamandra salamandra propria de le region alpine e da Salamandra salamandra grigolii, endemismo italico distribuì 'te le Alpi Maritime e in tut al Apenino, infin a la Calabria.
Miti e credense popolari
canbiaLa bissa de la pioa la ze stata ogeto durante i secoi de miti e credense, tra le quai che n'è quela che la pode sopraviver a el fogo. Sto tanto al ze de el tut sbaljà parchè la so pel umida la la rende delicata in presensa de fonti de calor e anca distante da l'aqua. La ze invese in part vera la credensa che la ze velenosa: le so ghiandole de la pel difati le pol far an liquido che brusa te le mucose; sta sostansa la ze na difesa contro i predator, che i gnen avisadi de el pericol da la colorasion aposematica de la spece.
Bibliografia
canbia- Museo civico di Storia Naturale di Ferrara - Atlante on-line degli Anfibi e Rettili dell'Emilia Romagna http://ww2.comune.fe.it/storianaturale/index.phtml?id=130 Archivià il 25 de otobre 2007 in Internet Archive.
Kuzmin, S. et al. 2004. Salamandra salamandra. In: 2008 IUCN Red List of Threatened Species. IUCN 2008.
Altri progeti
canbia
Wikimedia Commons el detien imàjini o altri file so Bissa de la pioa
Wikispecies el detien informasion so Bissa de la pioa
el detien schemi gràfeghi so
Ligami foresti
canbia- Scheda del Museo de Storia Natural de Ferara Archivià il 25 de majo 2012 in Internet Archive.
- Scheda del Servizio Parchi Emilia Romagna Archivià il 14 de agosto 2004 in Internet Archive.
- (FR) Ecologia de la Salamandra pezzata Archivià il 18 de setenbre 2006 in Internet Archive.
| Controło de autorità | LCCN (EN) sh85116690 · GND (DE) 4154277-0 |
|---|