Verxi el menu prinsipałe

Par far ła torta sbrixołona ghe vol:

  • 200 g de farina bianca
  • 200 g de farina xała
  • 200 g de farina de mandorle
  • 200 g de graneła de mandorle
  • un s-ciantin de sałe
  • na bustina de vaniłina
  • ła scorsa gratà de un limon
  • 200 g de sucaro
  • 200 g de buro
  • 2 rosi de ovo

Come ke ła se faModìfega

In un scuełoto metare insieme ła graneła de mandorle, ła farina xała, ła farina bianca, ła farina de mandorle, el sucaro (tegner da parte do cuciari), ła bustina de vaniłina, ła scorsa gratà de limon, un s-ciantin de sałe. Mis-ciare e scavare in mexo al paston un buxo 'ndove metare i do rosi de ovo e'l buro tajà a toketi. Insenbrare el paston finkè no vien fora un paston tuto sfregolà. Coverxere el piato del forno con carta da forno e versarghe sora el paston. Se ghe mete sora altra carta da forno e se tien a 150 gradi par 40 minuti. Kuando ke se cava dal forno, se ghe versa sora el sucaro ke xera sta tegnù da parte.