Scuro

Al scuro al ze an seramento che al ga la funsion de no assar passar la luce par na superficie finestrada.

I scuri i ze fati quasi senpre de legn e i gnen inmobilizadi tra de lori, co i ze seradi, tramite an cadenas. I ga la funsion de no assar passar la luce, de parar al telarin de la finestra da la pjoa, de render la finestra pì fadigosa da scassinar e de reduser la trasmision del calor de not.

I scuri i pol esser pjeni e no assar passar gnint de luce, ma te le cità tante olte se ghen catqa de quei "a la venesiana", o sia co na part de la so superficie ocupada da doghe che le pol girar dintorn in modo da regolar quanta luce che se ol assar passar.

Da el punto de vista de la manovra ghe n'è de 3 titpi:

Quei soliti i laora in copia e i ze incernjeradi 'te el mur tramite do bartanele. Co i ze verti, parchè no i se sbate, i gnen ancoradi a el mur co fermi aposta, e co i ze seradi i gnen fissadi tra de lori co na inmastciadura e co un cadenas.
Qualche olta, 'te le finestre grande, se cata quatro scuri. Sti qua i ze ligadi a doi a doi da bartanele, in modo che co se i vers se pode farli sù a "fisarmonica" in modo che i ciape poco posto. i gnen cenesti verti co un fer che al taja deslonch tuta la finestra, e co se i sera se i spranga col isteso fer.
Caso raro assei al ze quel de catar scuri a sconparsa. Se i vet te na qualche casa o castel beluness che al risale a prim de la anesion a la Republica de Venesia. Se trata de scuri de legn massicio che i gnen fati scorer a destra e a sinistra te na sede aposta, e che co i ze verti i resta incassadi 'te el mur.

Scuro

Varda anca

Altri progeti