|
[[Imàjine:Mi-map.png|thumb|right|250px|Mapa del Malawi]]
Longo le rive del [[Lago Malawi]], i paleontologhi i ghaga catà i osi de ominidi che i ghaga visù li 50 – 60 000 ai fa. Ricatamenti in tel nord del paexe i fa pensar che 10 000 an fa zente simile a quela de [[Corno d'Africa]] i vivea anca qi. A Chencherere e Mphunzi, rente de [[Lilongwe]], i paleontoghi i ghaga catà de i osi de [[pigmei]] che i xe ricordà co i nomi de batwa e akufula. Ste etnie le vivea in [[Malawi]] in tel 1.500 a.C. e legha lasà varie piture so le rocie in tel sentro del paexe.
== Regno Maravi ==
Co le popolasion [[bantu]] le ghaga scominsià la migrasion che le ghaga portà in tuta l’[[Àfrica|Africa]], on grupo de lavoradori del fero i xe rivà e Malawi e i ghaga fondà on regno. Stà etnia la xe ricordà co el nome de maravi, che vorea dir ragi de luze. Se pensa che el nome Malawi el vegna da maravi. Co el tempo, e grasie a altre migrasion bantu, i maravi i ghaga dato vita a i [[chewa]], che ancò i xe l’etnia pi grosa del Malawi. I maravi prima, e i chewa, dopo, i ghaga sterminà le popolasion batwa e akafula. El regno maravi el cuerzea el Malawi de ancò e aree del [[Mozanbico]] e de lo [[Zanbia]]. La cavedal del regno la se catava a Mankhamba e le re, el Kalonga, el vivea la e controlava el regno co i so capi. La guera co i marcanti de i [[Tippu Tip|sciavi]] la ghaga fato perdar el potere al kalonga in tel [[XVIII secoło|XVIII secolo]].
== Contati co i foresti ==
El regno de i maravi el gavea on contato costante co la costa de nord del [[Mozanbico]]. Avorio, oro e sciavi el vegnea vendù a i marcanti arabi e, pi tardi, a i portoghexi. I portoghexi i ghaga portà el formenton che el xe diventà popolare in tuta la zona e el ghaga preso el posto del sorgho.
=== I ngoni ===
Durante el periodo de la [[Storia del Sudafrica|mfecane]], grupi de popolasion ngoni le xe rivà in Malawi. El regno de i maravi el xera za in crisi par le guere contro i marcanti de i sciavi e nol ghaga podesto difendarse da i ngoni. I ngoni i ghaga caturà el sud del paexe i ghaga continuà a far guera co i chewa par tore sciavi e el magnare.
=== I yao ===
A lo steso tenpo de i ngoni, i yao i xe rivà in Malawi dal Mozanbico. I yao i scapava da l’avansata de i [[macua]]. I yao i gavea i [[s-ciopo|fusili]] e i ghaga subito atacà i ngoni e i chewa par caturar sciavi. I yao i xera musulmani ei i se sa stabilio longo le rive del lago Malawi, ne la zona de Mangochi.
=== I shirazi ===
I arabi de la costa, i shirazi, de [[cultura swahili]], i ghaga senpre fato marcà de sciavi. En tel [[XVIII secoło|XVIII secolo]] i controlava le trate che da la costa del Kenya e de la Tanzania le entrave fin a la region de i Grandi Laghi. En Malawi, i marcanti shirazi i gavea vari fortini. El pi grande el xera quel de Nkhotakota, fondà in tel [[1840]], e controlà da i marcanti de [[Zanzibar]]. Da 15 a 20 000 scaivi a l’ano i pasava de la.
== Eoropei ==
Anca se i primi contati i xe stà fati da i portoghexi, questi i no ghaga mai tentà de controlar la region. El primo eoropeo che el ghaga lasà el segno in te la storia del Malawi moderno el xe stà David Livingstone. Livingstone el xe rivà so le rive del lago Malawi in tel [[1859]]. Co Livingstone, la strada la se sa verto a i misionari de la cexa anglicana scozexe e al governo del Regno Unio, che el ghaga proclamà el protetorato de l’Africa Sentrale, pi tardi del Nyasaland, in tel [[1891]].
== Indipendensa ==
I malawiani i ghaga tentà varie olte de rivar a l’indipendensa, i politeghi locali i ghaga fondà el Congreso Africano del Nyasaland (Nyasaland African Congress – NAC) in tel [[1953]]. Ne lo steso ano, i inglexi i ghaga meso el Malawi ne la stesa aministrasion de la Rhodesia (ancò [[Zinbàbue|Zinbabue]] e [[Zanbia]]) par formar la Federasion de la Rhodesia e del Nyasaland. En tel lulio [[1958]], el naxionalista Hastings Kamuzu Banda el xe tornà in Malawi dopo esar ndà a l’estero par studiar medisina e in [[Ghana]] par vedar i primi pasi de l’indipendensa de quel paexe. Banda el ghaga subito tolto el comando del NAC. En tel [[1959]] el xe stà meso in prison a Gwelu (ancò Gweru) ma el xe stà libarà in tel [[1960]] par participar a la conferensa costitusionale del [[1960]] a [[Łondra|Londra]].
Tornà in Malawi, Banda el ghaga trasformà el NAC in te on partito, el Malawi Congress Party – Partito del Congreso Malawiano, MCP. El 15 aprile [[1961]] el MCP el ghaga vinto le prime elesion legislative e spinto par l’aministrasion autonoma del paexe. La federasion la xe stà abolia in tel [[1963]] e Banda el ghaga ocupà el posto de primo ministro del Malawi. Co l’indipendensa el 6 lulio [[1964]], Banda el xe diventà presidente e, in tel [[1971]], el parlamento lo ghaga proclamà presidente a vita.
=== L’Aquila ===
Banda el xe diventà subito on ditatore e el ghàga meso su on sistema par controlar el paexe. I zoeni ativisti del MCP i gavea el control del teritorio. Dal sistema politego del regno maravi Banda el ghaga tolto el sistema de i capi, co i quali el tegnea soto controlo i contadini. El partito unico el ghaga scominsià na campania de glorificasion del presidente che el vegnea ciamà Ngwazi, l’aquila, e Kamuzo, l’eterno. Tute le nove costrusion le portava el so nome. Banda nol ghaga mai usà la violensa diretamente. Co el se sa sentì meso in pericolo dal movimento par la democrasia, el no ghaga esità a ordinar de le stragi.
Soto Banda, el Malawi el xe diventà on paexe sotomeso. Tuto el xera controlà dal governo: da la longhesa de i cavei, al vestito de le done. Le Cexe no le podea parlar libaramente e serti grupi religioxi ([[Testimoni de Geova]] par esempio) i xera vietai. La censura la controlava i media, ma anca le telefonate private. Tuti quei che i entrava o usiva dal Malawi i vegnea controlà.
=== Democrasia ===
Dopo na forte reasion popolare e de la [[Cexa Catòłica|Cexa Catolega]], Banda el ghaga parmeso el referendum par vedar se la zente la volea el multipartitismo. El 14 giunio [[1993]] i malawiani i ghaga votà par la democrasia. A le prime elesion libare in tel [[1994]], el Fronte Democràtego Unio de Bakili Muluzi el ghaga vinto la magioransa e el se sa unio co l’Aleansa par la Democrasia par formar on governo. Muluzi el ghaga fato scrivar na nova Costitusion par canbiar i diriti del vecio partito unico, verzar fora el paexe al rsto delmodo e rinovar l’economia. Muluzi el xe stà rieleto par on secondo mandà. El ghaga tentà de far canbiar la Costitusion par esare eleto na tersa olta, ma el no ghaga podesto.
En tel [[2004]], Bingu wa Mutharika el xe stà eleto presidente. La so campania anti corusion lo ghaga portà a lasar el so partito, el Fronte Democràtego Unio e governar co elsostegno de parlamentari de l’oposision. El paexe el ghaga mejorà la so situasion finansiaria, ma el rimane ono de i pi poveri de l’Africa.
{{Storia stati de l'Africa}}
| 