Difarense intrà łe version de "Mahatma Gandhi"

N'altro episodio famoso xe sta la Caminada de la Sal. Sicome el goerno colonialista britanico el gavea messo na tassa su la [[sal]], tante fameje pitoche le se catava in dificoltà. Alora Gandhi e i so sostenitori, par no pagar na tassa che secondo lori la xera ingiusta, i ga ciapà su a pié e i ga caminà par vintiquatro giornidì fin al mar, par catarse su la sal da soli, a maca, o sia gratis. Partii el 12 de marzo del [[1930]] da Ahmedabad (India ozidental), in sole 78 persone, i ga fato dosento miglia catando su gente da tuti i posti dove i passava. El 5 de avril i xe rivai a le saline in diverse migliaia de persone: subito la polizia la ga zercà de fermarli coi manganei, ma vedendo quanta gente ghera, e vedendo che tuti i tirava driti senza scapar né reagir ai colpi, ghe tocà farli passar.