Difarense intrà łe version de "Storia de l'Etiopia"

 

== Aksum ==

EL regno de [[Aksum]], el nome vien da quelo de la cavedal su i altipiani del nord de l’Etiopia, xe el primo regno conosù grazsie a i testi che se conserva. Nel I secolo a.C., i re de Aksum xe stà boni de scominzsiar l’unificazsion de i altipiani etiopici. De sto periodo xe un testo persin che indica Roma, la Cina, la Persia e Aksum come le grandi potenzse del tempo. El regno de Aksum controlava le trate comerciali che da la costa oriental de l’Africa rivava al mediteraneo. Oro, avorio, mira, animali esotici, pepe e altra marcanzsia pasva da l’Etiopia che fazsea pagar el dazsio.

N’altro fator de uificazsion xe stà la religion. Frumentius e on so companio xera cristiani siriani. Rivà en Etiopia nel 330 d.C. circa, i xe stà boni de convertir el re Ezana. Da le monete conià da stò re se vede che a l’inizsio del so regno el credea en divinità locali, par poi pasare a la fede en Cristo. Ezana xe anca el re che gha conquistà el regno de Meroe, en [[Nubia]], e almanco parte del regno sabeano de el Yemen. El cristianesimo xe stà acolto da i nobili. Nel V secolo, l’arivo de nove monaci gha dato vita a l’evangelizazsion de la popolazsion e a la forte influenzsa che el monachesimo gavù – e ancora el gha – su la popolazsion etiopica.