Pała de San Giacomo de l'Orio

La Pała de San Giacomo de l'Orio xe un dipinto a ogio su teła (240x171 cm) de Lorenzo Lotto, databiłe al 1546 e conservà 'nteła ciexa de San Giacomo de l'Oriio a Venesia. Xe firmà e datà sul cartiglio picà ała baxe del trono "In tempo de Maistro Defendi de Federigo et compagni 1546 Lor.Lot".

Storia e descrision Se sa, grasie a l'iscrision, che l'opara xe stà ordenà da 'na confraternita che organixava ła devosion popołar e se trata de una de łe ultime pałe depénte dal Lotto a Venesia 'vanti de partir definitivamente par le Marche. Ła conpoxision riciama i schemi clasici de ła sacra conversasion, co' ła Madona su un alto trono davanti a 'na trabàca verde e sircondà da un grupo de santi, in questo caxo Cosma e Damiano, àe estremità, Giacomo maggiore e Andrea apostolo. In alto do anxołeti in svoło tien su ła corona de Maria. Rispeto ała Pała de l'Alabarda de Ancona, de qualche ano prima, ła strutura apare più senplifegà: ad exenpio i do santi laterałi xe poco più de inserto giustaposto, e anca el sentimentałismo tìpego dełe opàre de l'artista apare paxentà. Ła stexura pitorega xe scarma e corsiva (overosìpia de mexi sinteteghi e un fià spiciatìvi) e gà el ponto più alto probabilmente neła picoła natura morta al çentro, conposta dai atributi da pełegrìn de Giacomo: el capeło a łarghe tese co' ła capasanta, ła bisàca.

Bibliografia

• Carlo Pirovano, Lotto, Electa, Milano 2002. ISBN 88-435-7550-3
• Roberta D'Adda, Lotto, Sikra, Milano 2004.

Altri progeti Wikimedia Commons contien file multimediałi su Pała de San Giacomo de l'Orio