Ła xona de ła Mira ła xe stada coltivada in maniera fita in età romana e ła xe stà tirada drénto 'ntelinte el [[graticołato roman|graticołato]]. Alguni i dixe che el nome el vegna fora da na [[tor]] de vistamento (in łatino apónto ''mira'') che ła serviva par defénder el teritorio, łigàndose cusì a ła visina [[Miran]]. Un vero e proprio séntro abità el xe nasùo però soło 'ntelinte el [[età de mezo]] come porto fluvial par i barcarołi che i tegniva Venesia cołigada a ła riviera del Brenta e in orìxene el se ciamava ''Cazoxana''. El nome ''ła Mira'', secondo n'altra ipòtexi, el xe stà tólto co referimento al patro [[San Nicoła de Bari|San Nicołò]], [[Myra]] apónto.<ref>[http://www.venetolife.it/venezia/mira.html Riviera del Brenta: Mira]</ref>
'NtelInte el [[1866]] ła Mira ła xe stada tirada drénto al'[[Itałia]], e l'ano daspò i tre comuni de ła Mira, Oriago e Ganbarare i se ga unìi in un soło, el qual el sèłie el nome de ła Mira: da sto fato el vien fora el stema comunal co łe tre corone, sìnboło dei tre comuni orixenari.