Come calsìase zugo, el videozugo el połe raprezentar robe astrate o reprodur sinbołegamente determinadi contesti culturałi, ciapàndołi fora da'ldal só ànbito e aplegàndołi a contesti e situasion che i połe ndar da ła simułasion pì fedełe a ła parodìa. Da ła nàsita, i videozughi i se ga drioman evołùo formando man man dei zènari conpletamente difarenti tra de łori, co mecàneghe de zugo difarente e difarente abiłità dimandà a'lal zugador. I prinsipałi grupi inte i cuałi A se połe divìdar i videozughi i ze do: ''simuładivo'' o ''arcade''.
Un zugo ''simuładivo'' l'è un zugo bazà so ła simułasion de łe règołe de'ldel mondo reałe; chi che l'opta par programar un zugo orientà so 'sto zènare el sa che el zugador el vołe pasar anca ore de'ldel só tenpo zugando a calcosa de mìa za visto e difìsiłe asà. Un zugo de guida co ła reałe raprezentasion de ła fìzega, opur un zugo de guera indóe che co un soło colpo ła partìa ła fenise, i ze òtemi ezenpi. El zugo ''arcade'' invese l'è l'ezato oposto. Chi che'l serne un zugo arcade no'l ga voja de ndarghe drio a l'aprendimento de łe mecàneghe de un zugo masa conplegà, e el só ùnego deziderio el ze cueło de aviar el zugo e gòdarseła a l'istante, evitando se posìbiłe de łèzar el manuałe.